Zaj nyeem niaj hnub tim 28 lub 12 hlis 2022 (Daily reflection)

ZAJ NYEEM HNUB TIM 28 LUB 12 HLIS, UA HMOOV COV ME NYUAM SIAB NTSHIAB
COV LUS NYOB HAUV MAS TAIS NTAWV MOO ZOO (MT 2: 13-18)

Kwv tij Hmoob sawv daws, nyob hauv lub zim txwv Huab Tais Yes Xus yug los ntawd, muaj ib co me nyuam nyob ib cheeb tsam zes Npes Les Hes, hnub nyoog yau dua 2 xyoos rov hauv raug Hes Los muab tua pov tseg. Vim Hes Los ntshai tsam muaj ib tug hauv cov me nyuam ntawd yuav sawv los ua vaj theej nws chaw.
Peb ntseeg tias cov me nyuam yaus ntawd, lawv tau txia ntshis ua ib co Leej Ntshiab nyob saum Ntuj Ceeb Tsheej lawm, lawv yuav ua tus saib xyuas peb cov me tub me nyuam, yog li mas hnub no peb thiaj yuav thov lawv kom pab tsom kwm pab pov hwm cov me nyuam yaus, thiab peb cov neeg ntseeg yuav txawm hwm tej me nyuam yaus vim lawv muaj ib lub tsim muaj meej mom xws li peb cov tiam hluas, cov ua niam ua txiv thiab.
Kwv tij Hmoob sawv daws, dua ntawd mas peb pom tias nyob hauv lub qab ntuj no muaj coob tus me nyuam raug tso pov tseg, muaj coob tus me nyuam raug tsim txom, raug kev tuag, mas hnub no peb yuav thov kom Huab Tais Yes Xus pab cawm lawv, npo lawv hauv txoj kev txom nyem, coj lawv tus ntsuj plig mus nrog nws nyob ua ke pem Tswv Ntuj lub Ceeb Tsheej.    Nyob zoo sawv daws.