NTHUAV NTAWV MOO ZOO HNUB TIM 20/1/2020

CAIJ NYOB NRUAB XYOOS.
Nug txog kev yoo mov. (MK 2 : 18 - 22) 
Thaum Zam cov thwj tim thiab cov Fas Lis Xais tab tom yoo mov, muaj neeg tuaj hais rau Yes Xus tias : "Vim li cas Zam cov thwj tim thiab cov Fas Lis Xais cov thwj tim yoo mov, hos koj cov thwj tim tsis yoo ?"
Yes Xus hais rau lawv tias : "Thaum nraug vauv tseem nrog nws cov kwv luag nyob, lawv puas yoo mov tau ? Tas lub caij uas nraug vauv nrog lawv nyob, lawv yoo mov tsis tau. 20 Tab sis, muaj ib hnub luag yuav coj nraug vauv mus deb lawv, ces hnub ntawd lawv yuav yoo mov. Tsis muaj leej twg ntxiv ib daim ntaub tshiab rau lub khaub tsho tshaj sab, vim daim ntaub ntxiv yuav rub lub tsho, daim tshiab rub daim qub, ces haj yam ntuag loj. Kuj tsis muaj leej twg ntim cawv tshiab rau hauv ib co hnab tawv qub ; vim cov cawv yuav ua cov hnab tawv qub tawg, ces cawv yuav txeej tas, hos cov hnab tawv los kuj yuav puas tas. Vim li ntawd luag thiaj muab cawv tshiab ntim rau hauv cov hnab tawv tshiab."

Kev coj lub neej raws Huab Tais Yes Xus peb yuav tsum muaj kev zoo siab hom khaj nyob rau hauv peb lub neej txhua txhia hnub, yog vim peb muaj Huab Tais Yes Xus nyob nruab nrab peb. Yog peb ntseeg li no, yuav ua rau peb muaj lub zog hla dhau peb puas tsav yam xwm txheej uas peb ntsib nyob rau hauv peb lub neej tau. Tab yog lub sim hawm peb raug kev nyuaj siab npaum li cas, tsis kav, Huab Tais Yes Xus yuav pab kom peb muaj peev xwm hla dhau mus.
Kwv tij sawv sawv daws, thov kom peb qhib siab txais Huab Tais Yes Xus tuaj nyob rau hauv peb lub neej txhua txhia hnub, mas Huab Tais yuav pub kom peb muaj kev zoo siab txhua txhia hnub, peb yuav ntsib kev kaj siab tas mus li. 
Tus nthuav : XH. Xyooj Tuam Lis, Zoo Tswv Zov Yaj