Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Zaj nyeem niaj hnub tim 30 lub 12 hlis 2022 (Daily reflection)
ZAJ NYEEM HNUB TIM 30 LUB 12 HLIS, UA HMOOV YIM NEEG NTSHIAB
COV LUS NYOB HAUV MAS TAIS NTAWV MOO ZOO (MT 2:13-15, 19-23)
Hnub no yog hnub peb cov neeg ntseeg yuav ua hmoov yim neeg ntshiab, muaj leej txiv Yos Xes, leej niam Mab Liab thiab tus me nyuam Yes Xus.
Lub Moo Zoo qhia peb kom pom tias yim neeg ntshiab no lawv ua lub neej zoo li cas?
Lawv nyiam ua xis Tswv Ntuj siab, lawv ua raws li Tswv Ntuj hais kom lawv ua.
Yog nyob hauv peb tsev neeg, peb yoog raws yim neeg ntshiab no, mas Tswv Ntuj yuav saib xyuas peb, thiab Tswv Ntuj yuav pov hwm peb ntawm cov neeg yuav ua phem rau peb tsev neeg.
Yog li mas cov kwv tij, thov kom hnub no yim neeg ntshiab uas muaj Leej Ntshiab Yos Xes, niam Mab Liab thiab tus me nyuam Yes Xus no pov hwm peb sawv daws kom nyob hauv peb tsev neeg txhob muaj xwv txheej, kom peb txawj sib nyiam sib hlub, tus txiv zoo siab hlo ua nws txoj hauj lwm yug tsev neeg, tus niam muaj siab tu cov me nyuam thiab ua lub zog txhawb tus txiv, cov me nyuam los kom lawv txawj mloog niam txiv lus mus li. Thiab ib qho tuaj, thov kom peb tsev neeg nyob ruaj hauv Tswv Ntuj txoj kev nyiam. Nyob zoo sawv daws.
Add new comment