Cov tub zog Nyab Laj 630,000 leej tau txais kev kub ntxhov los ntawm kev xa toob xib tawm mus txawv teb chaws poob qis

Cov tub zog Nyab Laj ntau caum txhiab leej raug rho tawm hauj lwm, thiab coob leej raug txo cov sij hawm ua hauj lwm, vim kev lag luam ntiaj teb poob qis. Ces cov tuam tsev tsim toob xib yuav ntsib teeb meem loj. Cov xwm no yog tshwm sim tom qab tseem hwv muaj txoj cai cheb ntxuav cov neeg nyiag noj nyiaj thiab ua tsis ncaj ncees.

Raws kev soj ntsuam ntawm lub Koom Haum tub zog nyob Nyab Laj teb, pom tias muaj tug zog li ntawm 630,000 tawm leej nyob hauv 28 lub xeev thiab tej nroog tau txais kev kub ntxhov loj kawg nyob hauv lub 9 hlis txog lub 11 hlis xyoo no.

Kev lag luam nyob Nyab Laj teb feem ntau yog xa tawm mus txawv teb chaws thiab cov kiab khw, kev nqes peev ntawm txawv teb chaws. Thaum lub 9 hlis, lub tuam tsev txiav khaub ncaws SK Vina nyob Hos Cis Mees muaj tub zog 900 leej raug kaw tseg raws li kev thov los ntawm lub tuam tsev loj nyob Kos Lim Naj.