Cov thawj coj Nyab Laj ua hauj lwm raws cov neeg tuag tus piv txwv

Xyoo 2020, Tran Do Huy raug cov tub ceev xwm ntes 2 zaug, xam ua ke yog 10 hnub. Nws raug lub txim uas yog sau cov neeg ntseeg tuaj kho lub ru tsev teev Ntuj thiab ua tus pej thuam rau lub tswb, vim tus pej thuam dai lub tswb raug piam sij nyob hauv ntsuj tsov rog Nyab Laj 50 xyoo dhau los lawm.

Huy yog ib tug xib hwb nyob hauv lub zos Luong Vien, lub xeev Thua Thien Hue, nws tsis quav ntsej txog tseem hwv cov lus cheem kom tso tseg kev kho lub ru tsev teev Ntuj, thiab cov neeg ntseeg txhim ib tug pej thuam dai lub tswb siab 8 mev nyob ze lub tsev teev Ntuj. Tus txwj laus thiab cov neeg ntseeg kwv yees 300 leej txij xyoo 2014 los, lawv hais tias : nws raug rau txim quab yuam kom kho tej kev tsheb piam piam nyob hauv zej zog uas yog raug dej nyab. 

Hnub tim 17 lub 11 hlis tag los, Huy uas yog ib tug kws puab pob zeb thiab 5 tug neeg lawv raug cov tub ceev xwm soj ntsuam thiab tso hem thawj heev kawg. Vim lawv rov ua dua ib tug ntoo cuam tshiab nyob saum ru tsev teev Ntuj thiab lawv tsis tau thov ntawv tso cai ntawm tseem hwv. Thaum lub 9 hlis, khaub lig cua los, ces tus ntoo cuam vau poob los piam tag.

Huy qhia kev ntseeg rau cov neeg ntseeg nyob hauv lub zos 1000 tawm leej, nyob hauv lub tsev teev Ntuj Phu Cam, hauv lub nroog Hue hnub tim 24 lub 11 hlis xyoo no. Cov neeg ntseeg yog tuaj ntawm txhua lub zos hauv lub Cheeb Koom Txoos Hue tuaj. Lub ntsiab lus ntawm kev qhia kev ntseeg yog “Kev muab tus kheej los ua hauj lwm vim kev hlub”. Yog cov kav xwm ntawm lub Cheeb Koom Txoos npaj ua los rau cov neeg ntseeg kom tau tsuj xeeb cov tim khawv Nyab Laj uas yog cov pov hwm lawv.

Txiv Plig Giai nqua thov kom cov neeg tuaj sib sau ua raws cov tim khawv tus yam ntxwv thiab ua hauj lwm nrog cov Txiv Plig, kom tau txhim kho tej tsev teev Ntuj.

Lub Cheeb Koom Txoos Hue muaj 88 lub zos, muaj cov neeg ntseeg 66,000 leej ntawm tas tsoom pej xeem 1,756,000 leej nyob hauv 2 lub xeev, xws li lub xeev Quang Tri thiab lub xeev Thua Thien Hue.