Hnub Chiv Tim 10 Lub 1 Hlis 2023 (Sunday Homily)

ZAJ NYEEM HNUB TIM 10 LUB 1 HLIS 2023, HNUB PEB LUB LIS PIAM 1 CAIJ NYOB NRUAB XYOO
COV LUS NYOB HAUV MAS KOS NTAWV MOO ZOO (MK 1: 21-28)

Kwv tij Hmoob sawv daws, thaum Huab Tais Yes Xus mus hauv lub tsev txoos, nws qhia cov neeg His Xas Lais tuaj sib txoos ua ke nyob hauv. Lawv hnov mas lawv qhuas vim Huab Tais Yes Xus qhia tsis thooj li cov kws Ntawv Ntshiab qhia.
Huab Tais Yes Xus qhia txawv cov kws Ntawv Ntshiab li cas, cov neeg tau hnov thiaj qhuas tas npaud.
Huab Tais Yes Xus tsis yog qhia raws li cov lus nco tau nyob hauv cov kauj ntawv, Huab Tais Yes Xus nthuav lub ntsiab tob tob rau lawv mloog, Huab Tais Yes Xus hais cov lus ntsim sawv daws siab ua rau lawv hloov siab tshiab tig los ua neeg zoo, tso tseg lub neej nyob nrog dab.
Yog li mas cov kwv tij, txhua zaus thaum peb hnov Huab Tais Tswv Ntuj lo lus, mas tsis yog kom peb to taub xwb, peb yuav coj mus xav coj los ntuas peb kom Huab Tais Yes Xus lo lus maj mam hloov peb siab, mas txog qhov kawg, tus dab tsis huv thiaj yuav tawm hauv peb mus xws li lub Moo Zoo hauv hnub no mog.
Nyob zoo sawv daws.