Zaj nyeem niaj hnub tim 11 lub 1 hlis 2023 (Daily reflection)

ZAJ NYEEM HNUB TIM 11 LUB 1 HLIS 2023, HNUB PLAUB LUB LIS PIAM 1 CAIJ NYOB NRUAB XYOO
COV LUS NYOB HAUV MAS KOS NTAWV MOO ZOO (MK 1: 29-38)

Kwv tij Hmoob sawv daws, thaum peb hnov piav txog lub Moo Zoo, mas peb yuav hnov hais txog Huab Tais Yes Xus kho tus ub tus no. Tos ua li yeej vim Huab Tais Yes Xus hlub cov neeg txom nyem, khuv leej lawv. Peb txhob xav tias Huab Tais Yes Xus txoj hauj lwm cawm neeg ces tsuas yog kho neeg ntawm lawv kev mob thiab raug dab xwb. Yog peb xav li no mas zoo li peb saib Huab Tais Yes Xus yog kws tshuaj, yog txiv neeb; peb yuam kev loj.
Peb yuav nco tias Huab Tais Yes Xus tseem qhuab qhia lawv kom tig los yuav lub siab tshiab, qhia lawv kom pom tias Tswv Ntuj txoj kev nyiam nrog nraim lawv. Tswv Ntuj qhib ntsoov lub rooj ntug tos sawv daws chaws mus nyob hauv, tsuas yog peb ntseeg, peb tso siab, peb tu siab rau peb cov txhaum, peb tsis tig rov mus ua ntawv lawm.
Kwv tij Hmoob, niaj hnub no tej zaus nej yuav hais tias ua cas thaum kuv muaj mob, kuv raug kev txom nyem, Huab Tais Yes Xus tsis los npo kuv, cawm kuv?
Tos cov tau ntsib Huab Tais Yes Xus txheej thaud, lawv zoo hlo vim lawv lub siab ntseeg rov cawm lawv. Yog li mas thov kom peb sawv daws tso siab rau Huab Tais Yes Xus, ua ib siab ris peb tus mob, peb kev txom nyem, muasb siab rau nrhiav, ces peb yeej yuav tau kev cawm xwb xwb. Nyob zoo sawv daws.