Ib tug poj niam raug ntes lub caij nws nyiag thov Ntuj nyob ze ntawm lub tsev nchuav me nyuam

Tuesday, January 17, 2023

Ib tug poj niam raug cov tub ceev xwm Aas Kiv ntes, nws lub txim yog tawm tsam thiab muaj feem koom tes nrog kev quab yuam neeg. Tus poj niam ntawd nws tab tom sawv ntsug thiab thov Ntuj ntsiag ntsiag nyob ze ntawm lub tsev nchuav me nyuam.

Isabel Vaughan-Spruce raug ntes nyob Bermingham nyob Aas Kiv teb hnub tim 6 lub 12 hlis tag los.

Cov xyam uas tub ceev xwm ntes tus poj niam ntawd raug tso tawm nyob hauv Social Media, pom ib tug tub ceev xwm nug Vaughan-Spruce tias : puas yog nws tab tom thov Ntuj ? Nws teb tias : “Kuv tab tom thov Ntuj nyob hauv kuv lub paj hlwb”.

Muaj ib tug txiv neej 45 xyoos kuj raug ntes thiab raug soj ntsuam. Vaughan-spruce yog tus thawj tswj ntawm March for Life UK.

Hnub tim 15 lub 12 hlis tus poj niam ntawd raug liam txim tias : nws hla txoj cai kev pov hwm nyob ntawm tshav puam thiab ze lub tsev nchuav me nyuam. Txoj cai tsis pub thov Ntuj nyob hauv lub caij tawm tsam thiab nyob ze lub tsev nchuav me nyuam, vim PSPO lub hom phiaj yog txwv cov neeg uas muaj tus yam ntxwv txawv nyob hauv tej pab neeg. Tab sis lub sij hawm Vaughan-spruce raug ntes, mas lub tsev nchuav me nyuam twb kaw lawm. Nws tsuas yog sawv ntsug nyob ze ntawd xwb.