Lub Koom Txoos Kav Tos Liv nyob Npees Las Des teb faib khaub ncaws rau cov neeg pluag txom nyem.

Muaj neeg tuag no nyob Npees Las Des teb 77 leej, vim huab cua no heev li ntawm 10 deegree ua ntu zus. Caritas Dinajpur nyob Npees Las Des teb tau faib 1,500 rau cov neeg pluag li ntawm 1,081 leeg. Thiab lub Cheeb Koom Txoos Dinajpur kuj tau faib 1,000 daim pam vov rau tsoom pej xeem.

Nyob hauv 24 teev, muaj cov neeg mus pw kho mob nyob hauv tsev kho mob li ntawm 3,173 leeg uas yog mob txoj hlab plawv ua tsis taus pa, ntsws o thiab raws plab. Caritas tau muab siab rau hais txog kev pab cov neeg uas lawv xav tau kev pab tshaj plaws. Caritas tseem tau faib 3,500 daim pam vov rau tsoom pej xeem nyob hauv 3 lub xeev, xws li Dinajpur, Rajshahi thiab Sylhet.

John Paul Rozario uas nws yog tus thawj ntawm Caritas Dinajpur hais rau Radio Veritas Asia hais tias : cov neeg laus tsis yog siv pam vov los vov kom tau tiv thaiv lawv lub cev xwb, lawv siv tej pam vov ntawd los vov thiab tiv thaiv huab cua no rau lawv cov me nyuam thiab. 

Vim li no, lawv thiaj txuag saib xyuas tau lawv cov me nyuam thiab lawv muaj txoj kev hlub zoo heev. Nod yog lub tswv yim zoo ntawm kev sib faib thiab yog lub cim nco cia zoo zoo rau cov hluas yav tom ntej. Abu Bakker uas yog ib tug me nyuam tub 16 xyoo hais tias : “Kuv muab daim pam uas kuv tau txais coj mus rau kuv niam vov, vim kuv niam laus lawm. Kuv tsis tuaj yeem pab kom kuv niam tau zoo nyob. Daim pam vov no ua rau kuv niam tau zoo pw tsaug zog thiab tau pw sov so”.

Nyob hauv lub 1 hlis no, huab cua txias nyob yuav luag thoob lub teb chaws Npees Las Des, ces ua rau cov neeg feem coob tsis tuaj yeem tawm mus ua hauj lwm tau.