Tswv Qhia Zen mus ntsib Vaj Qhia, nws hais tias : “Kuv ua cov hauj lwm tshaj Ntuj Lus nyob hauv nkuaj ntxiv mus”.

Vaj Qhia tau txais kev qhuas los ntawm tus Tswv Qhia nyob Hooj Koos ua ntej nws ncaim mus raws kev tso cai tso cai los ntawm tus txiav txim tias nws lub txim tas lawm.

Keb sib ntsib nyob hauv Casa Santa Marta nyob Vas Tis Kas raws li tsab ntawv xov xwm Yes Xus Is tshaj tawm.

2-3 lub lis piam tag los, Tswv Qhia Zen raug txiav txim tom qab nws raug ntes nyob hauv lub 5 hlis tsaib no, nws lub txim yog ua rau tseem hwv txoj cai nyob Hooj Koos txaj muag. Nws raug nplua thiab txiav txim vim tsis ceeb toom txog peev nyiaj txiag pab cov neeg raug mob lub caij sib sau tawm tsam nyob hauv xyoo 2019. Nws phau ntawv hla teb chaws raug khuav tseg, tab sis nws siv ib daim ntawv hla teb chaws luv luv mus koom Vaj Qhia Npes Nes Dis tim 16 lub ntees nyob Los Mas, raws li lub tsev txiav txim tso lus kheev rau nws mus.

Tswv Qhia Zen tus neeg ncaj ncees tsis pom zoo txog kev sib cog lus hais txog kev tsa Tswv Qhia Vas Tis Kas thiab Pej Ceeb, thiab kev txuas hnub nyoog nyob hauv lub 10  hli tsaib no. Nws nrog Vaj Qhia sib tham zoo li phooj ywg sib raug zoo. 

Dhau nod lawm, nws kuj qhia txog nws txoj kev tshaj Ntuj Lus rau cov neeg raug txim nyob Hooj Koos, vim yog txoj hauj lwm uas nws ua nyob hauv nkuaj los tau 10 tawm lub xyoo. Nws piav tias nws faib lub Cim Yug rau cov neeg raug txim coob leej nyob hauv ntau xyoo dhau los, thiab nws tseem ua cov hauj lwm no los txog niaj hnub nyem no. Tam sim no muaj 1,300 tawm tus neeg raug txim nyob Hooj Koos uas lawv lub txim yog cuam tshuam txog kev sib sau tawm tsam nyob hauv xyoo 2019.