Zaj nyeem hnub tim 8 lub 2 hlis 2023 (Daily reflection)

ZAJ NYEEM HNUB TIM 8 LUB 2 HLIS, HNUB NCO TXOG LEEJ NTSHIAB YES LOOS ES MIS LIS AS NIS THIAB LEEJ NTSHIAB YOS XES FIS NES NPAS KHIS TAS
COV LUS NYOB HAUV MAS KOS NTAWV MOO ZOO (MK 7: 14-23)

Kwv tij Hmoob sawv daws, lub Moo Zoo hnub no Huab Tais Yes Xus qhia tau meej kawg tias yam huv thiab tsis huv tsis yog tawm hauv neeg lub siab los. Ib tug neeg twg yuav ua neeg tsim txiaj los tsis yog, mas yog saib nws muaj lub siab huv los tsis huv, siab zoo los siab phem.
Yog li mas kwv tij Hmoob, tsim nyog peb yuav hle peb lub qub siab pov tseg, hnav dua lub siab tshiab nyiam qhov zoo, peb yuav yuam tus kheej thiab xyaum coj lub siab zoo mas peb thiaj yuav ua tau tus neeg tsim txiaj coj ncaj.
Thaum coj tau lub siab zoo lawd, peb kev xav, kev hais lus, kev ua yuav yog tej yam huv. Hais tau tias peb yuav hloov tau tus cuj pum tshiab.
Huab Tais Yes Xus qhia kom peb pom txog 12 yam phem tshwm hauv peb nruab siab tuaj yog 12 yam no: kev ua dev ua npua, ua tub sab, tua neeg, deev luag txij nkawm, cuaj khaum, lim hiam, ua cuav, ntxias luag ua plees, khib, xyav luag moo, muab hlob, ywj fab ywj fwj. 
12 tus yam ntxwv no yog yam Huab Tais Yes Xus hais kom peb muab coj los ntsuas saib nyob hauv peb puas muaj, yog tias muaj ib yam tshwm hauv peb, mas yog peb lub siab tsis huv.
Yog peb xav coj tus cuj pwm zoo, mas peb yuav tswj tsis txhob pub 12 tug yam ntxwv no tshwm nyob hauv peb.
Nyob zoo sawv daws.