Zaj nyeem hnub tim 10 lub 2 hlis 2023 (Daily reflection)

ZAJ NYEEM HNUB TIM 10 LUB 2 HLIS, HNUB NCO TXOG LEEJ NTSHIAB KOS LIS TIS KAS
COV LUS NYOB HAUV MAS KOS NTAWV MOO ZOO (MK 7: 31-37)

Kwv tij Hmoob sawv daws, tej zaus ib txhia yuav hais tias leej twg thiaj yuav ua tau kom ib tug neeg lag ntseg hnov taus lus, ib tug neeg plaig txhav hais lus lus tau? 
Peb cov neeg ntseeg, peb ntseeg tias muaj ib tug ua tau, tus ntawd yog Huab Tais Yes Xus. Peb ntseeg tias Huab Tais Yes Xus yog Tswv Ntuj Leej Tub, nws ua tau tas puas tsav yam, tsuav peb tso siab rau nws thiab ntseeg nws tiag.
Cov kwv tij, zaj lus hauv hnub no qhia tau ib yam rau peb. Peb paub tias tus neeg ua ruam tsis paub hais lus, vim yog nws lag ntseg tsis hnov luag hais, mas nws thiaj yoog tsis tau lub suab, ces nws thiaj hais lus tsis tau.
Lub neej hauv sab ntsuj plig yeej zoo li ntawd ntag, yog peb tsis hnov Leej Ntuj Plig lub suab, mas peb yuav tsa ncauj cav txog Tswv Ntuj tsis tau. Yog li peb thiaj yuav tsum ua ib siab zoo mloog mas peb thiaj yuav hnov Tswv Ntuj lub suab hais lus rau peb, peb thiaj yuav paub cav txog Tswv Ntuj thiab nrog Tswv Ntuj sib txuas lus.
Nyob zoo sawv daws.