Tus Txoov Tim Tswv Nguyen Xuan Phuc uas nws yog tus coj tim 2 ntawm cov koom tshaj thov tawm ntawm Politburo.

Kev txiav txim siab thov tawm yog los ntawm kev txaus siab, tab sis yog ib qho tshwm sim tom qab kev cheb ntxuav kev nyiag noj nyiaj hauv lub 12 hlis tsaib no, thiab muaj 2 tug pwm tsav raug ntiab tawm. Tab sis Nguyen Phu Trong tseem ua ntxiv mus.

Tus Txoov Tim Tswv Nyab Laj hu ua Nguyen Xuan Phuc, nws thov tawm ntawm kev ua ib tug tub koom tes nyob hauv pab Politburo, nws tsis ua ntxiv lawm.

Tej yam no yog los ntawm kev cheb ntxuav kev nyiag noj nyob thaum lub 12 hlis tsaib no, ces thiaj ua rau 2 tug pwm tsav raug ntiab tawm. 

Nguyen Phu Trong liam tias Nguyen Xuan Phuc uas nws muaj 68 xyoo, nws hla txoj cai kev ua txhaum thaum nws ua thawj pwm tsav nyob hauv cov xyoo 2016 txog 2021 ua ntej nws yuav tau ua Txoov Tim Tswv.

“Vim kev xav thiab lees txog kev txhaum ntawm nom tswv thiab pej xeem, Phuc thiaj cev ntawv thov tawm ntawm nws txoj hauj lwm thiab mus so laus”. 

Cov tseem hwv hais tias : txawm li cas kuj xij, kev thov tawm yuav tsum tau txais kev tso lus kheev los ntawm kev sib sau sab laj loj nyob Nyab Laj teb. 

Lub zog hwj chim ntawm kev tseev tsim Nyab Laj, zwm rau ib tug ncej uas muaj 4 txoj cai, xws li fab tuav xam pab koom tshaj, tus Txoov Tim Tswv, tus thawj pwm tsav thiab lub rooj pwm tsav loj ntawm lub teb chaws. 

Xyoo 2022 tsaib no tib xyoos, muaj 539 tus nom hauv pab koom tshaj raug rau txim los ntawm kev txhob txwm ua txhaum. Vim lawv ua nom, lawv twb paub tias txhaum los lawv tseem ua. Cov tub ceev xwm soj ntsuam 453 leeg uas nyiag noj nyiaj nyob hauv xyoo tag los, ces pom tau tias cov neeg nyiag noj nyiaj nce siab li ntawm 50 feem pua nyob rau tsaib ub.