Cov neeg tsim kev kub ntxhov hlawv thiab tsoo lub tsev teev Ntuj Assumption qub qub nyob hauv lub nroog Chan Thar, nyob Mias Mas teb.

Lub tsev teev Ntuj Assumption txhim tsa nyob hauv xyoo 1881, tsis tuaj yeem yuav xam tau qhov muaj nqis ntawm lub tsev teev Ntuj. Cov neeg ntseeg thiab cov neeg tsis ntseeg lawv pom tias : ua     ntej yuav hlawv lub tsev teev Ntuj mas cov tub rog tuaj mus haus dej haus cawv thiab haus luam yeeb nyob haud. Cov neeg ntseeg thiab cov tsis ntseeg lawv nyob tau sov siab thiab muaj kev sib fim zoo los tau ntau caum xyoo. 

Tsaib no, lub zos Chan Thar raug cov tub rog tuaj tua 4 zaug, yam tsis tau muaj kev thab plaub thiab ua teeb meej los dua.

Cov tub rog Mias Mas rov tuaj tsim kev kub ntxhov rau cov neeg ntseeg, yam li hlawv lub qub tsev teev Ntuj uas yog qhov tseem ceeb tshaj ntawm cov neeg ntseeg. Cov tub rog hlawv lub tsev teev Ntuj kub hnyiab ua tshauv tas. 

Cov tub rog Mias Mas lub hom phiaj yog hlawv lub tsev teev Ntuj qub qub hu ua Our Lady of the Assumption nyob hauv lub zos Chan Thar. Lub tsev teev Ntuj ntawd nyob los tau 129 xyoos, thiab muaj kev tsuj xeeb ua lub Cim Ntxuav rau Mias Mas thawj tug Tswv Qhia.

Yog ib lub qhov txhab loj kawg rau cov haiv neeg tsawg uas lawv yog neeg ntseeg nyob Mias Mas teb, vim cov tub rog tso 2 lub dav hlau tuaj tua nyob hauv lub xeev Karen 2-3 hnub dhau los no. Cov tub rog tau tua ib lub tsev teev Ntuj thiab tua neeg tuag 5 leeg, nyob hauv 5 tus neeg tuag muaj ib tug yog me nyuam yaus.

Cov neeg ntseeg Kav Tos Liv thawj pab nyob hauv lub Cheeb Koom Txoos Mandalay muaj los tau 500 xyoo lawm. Lub zos Chan Thar thiab cov neeg ntseeg yog txhim tsa los ntawm cov neeg ntseeg Pws Tos Nkas tej xeeb ntxwv uas lawv ib txwm nyob ntawd los tau ntau caum xyoo. 

Txij hnub cov tub rog txeeb teb chaws tsaib ub los, cov tub rog tau txo pab nom Mias Mas uas muaj Oos Xas Xus Cis ua tus coj. Cov tub rog ntes Oos Xas Xus Cis thiab txeeb kav teb chaws. Txij ntawd los cov tub rog tau tua tsoom pej xeem hnyav kawg 4 zaug. Muaj ntau txhiab leej neeg nyob Mias Mas teb thiab nyob txawv teb chaws hais tias : lub tsev teev Ntuj ntawd yog ib lub tsev teev Ntuj qub qub thiab xam tsis tau tias raug nqi npaum li cas.