Zaj nyeem hnub tim 13 lub 2 hlis 2023 (Daily reflection)

ZAJ NYEEM HNUB TIM 13 LUB 2 HLIS, HNUB OB LUB LIS PIAM 6 CAIJ NYOB NRUAB XYOO
COV LUS NYOB HAUV MAS KOS NTAWV MOO ZOO (MK 8: 11-13)

Kwv tij Hmoob sawv daws, lub Moo Zoo hais tias cov Fas Lis Xais xav sim Huab Tais Yes Xus, tab sis Huab Tais Yes Xus ua twj ywm, thiab tso lawv tseg, nws nce nkoj mus rau sab ntug dej tim ub.
Muaj ntau zaus hauv peb lub neej, peb ntsib lus,peb raug coob tus neeg hais ub hais no tuaj rau peb. Yog peb tsis txawj tswj peb lub siab kom tus, kom txias mas qhov kawg peb yuav ua ywj lub tswv yim ntxias peb, peb yuav npau taws ces kawg yuav nrog lwm tus sib cav, los yog muaj lus xwb xwb.
Huab Tais Yes Xus tab tom qhia peb tias qhov zoo tshaj thaum muaj tej yam tsis haum peb siab, tej yam tab tom tuaj sim peb, mas peb yuav tsis txhob nrog luag sib cav, peb yuav sawv tawm mus rau lwm qhov uas yuav pab tau kom peb siab txias, siab kaj mas yuav zoo dua nyob nrog cov neeg ntawd.
Nyob zoo sawv daws.