Zaj nyeem hnub tim 18 lub 2 hlis 2023 (Daily reflection)

ZAJ NYEEM HNUB TIM 18 LUB 2 HLIS, HNUB XYA LUB LIS PIAM 6 CAIJ NYOB NRUAB XYOO
COV LUS NYOB HAUV MAS KOS NTAWV MOO ZOO (MK 9: 2-13)

Kwv tij Hmoob, lub Moo Zoo hnub no yog piav txog thaum Huab Tais Yes Xus pub nws lub hwj chim rau Pob Zeb, Yas Kos thiab Zam pom; ces lawv paub tias Huab Tais Yes Xus yog tus Tswv Ntuj xa tuaj cawm cov His Xas Lais tiag. Lawv zoo siab, nyaj lawv yuav muaj siab kub lug xav coj lub moo no mus qhia rau cov phooj ywg. Tab sis Huab Tais Yes Xus txwv lawv, Huab Tais Yes Xus hais tias ‘nej yuav piav qhov nej pom no tau, mas yog txog hnub kuv tuag, thiab sawv rov lost so.’
Tej zaum nyob hauv lawv nruab siab txij hnub ntawd mus txog hnub Huab Tais Yes Xus raug ntes, mas ntshai lawv lub siab tshuav tawg, lub ncauj xav hais qhov ntawd kawg tab sis hais tsis tau li.
Kwv tij Hmoob sawv daws, nyob hauv peb cov neeg ntseeg mas thaum peb lub siab kub lug xav ua ib yam hauj lwm loj rau Tswv Ntuj, tab sis muaj cov loj los cheem cia mas ua rau peb meem txom kawg nkaus. Los thov kom peb ua siab ntev tos, txog caij ces Tswv Ntuj yeej yuav cia peb tau ua txoj hauj lwm ntawd xwb xwb.
Tos hnub no Tswv Ntuj tshoj lwm tus siab kom txhob maj ua, vim Tswv Ntuj yeej paub ntsoov tias yog peb ua mas yuav raug teeb meem, yuav ntsib xwv txheej, ces thaum kawg yuav nkim lub sij hawm, ua rau peb qaug siab xwb.
Cov kwv tij, txawm tias hnub no nej meem txom lub siab tshuav tawg, los thov nej ua siab ntev, thov Ntuj pab kom peb txawj ua siab ntev tos, thov Tswv Ntuj pab kom yam kub lug ntawd txhob maj kug.
Nyob zoo sawv daws.