Hnub Chiv Tim 12 Lub 2 Hlis 2023 (Sunday Homily)

Hnub Chiv Tim 12 Lub 2 Hlis 2023
Lub caij Nyob Nruab Xyoo
Mas Tais 5: 20-22, 27-28, 33-34, 37
“kuv hais rau nej: yog nej tsis ua siab ncaj dua cov Kws Ntawv Ntshiab thiab cov Fas Lis Xais, mas nej yuav must sis tau hauv Ntuj lub Ceeb Tsheej.”
Nyob zoo…

Kwv tij hmoob sawv daws, hauv Ntawv Moo Zoo hnub no, tom qab, Huab Yes Xus qhia sawv daws txog txoj Hmoov zoo saum lub roob, hnub no mas nws qhia tsoom sid txog cov lus qhia tshiab. Nws tuaj tsa txoj kev ncaj tshiab zoo dua txoj qub. Huab Tais Yes Xus qhia kom sawv daws paub tias nws tsis tuaj rhuav txoj cai qub los cov lus qhia qub, tab sis mas, nws tuaj ua kom txoj cai qub ua kom zoo kawg nkaus, ua kom zoo tag nrho. “Kuv tsis tuaj rhuav, kuv tuaj qhia ntxiv kom thoob.” Ntau zaus, peb tsis to taub Huab Tais Yes Xus cov lus qhia. Peb saib ntawm cov ntsiaj ntawv uas tau sau lus xwb. Tab sis mas peb tsis saib los tsis to tau ntawm spirit of the laws los qhov tseem ceeb tshaj plaws hauv cov ntsiaj ntawv.
Huab Tais Yes Xus hais tias “yog nej tsis ua siab ncaj dua cov Kws Ntawv Ntshiab thiab cov Fas Lis Xais, mas nej yuav must sis tau hauv Ntuj lub Ceeb Tsheej.” Nws hais txog cov kws ntawv ntshiab thiab cov Fas Lis Xais kuj vim tias lawv ua raws li txoj cai tau sau lus, tau hais xwb. Lawv tsis xav kom tob dua cov lus sau. Huab Tais Yes Xus thiaj qhia peb kom ua tshaj dua cov lus sau.
Nej hnov cov lus qhia rau tej laus thaud tias: kij yuav tsis txhob deev luag txij luag nkawm. Hos kuv, mas kuv hais rau nej: Leej twg ntsia ib tug poj niam vim ntshaw zes nws, tus ntawd twb deev tus poj niam ntawd hauv nruab siab lawm.
Lo lus qhia no yog yam ntxwv uas Huab Tais Yes Xus qhia rau tsoom sid thiab ua kom zoo tas nrho. Nws qhia peb tias kev deev luag txij luag nkawm tsis yog hais tias yus muab lwm tus poj niam los ua yus tug, tab sis mas, thaum yus xav ntshaw zes lwm tus poj niam los tus txiv, yus kuj deev  luag txij luag nkawm lawm. Yus muaj kev xav ua qhov tsis zoo, mas yus kuj ua txhaum lawm, vim rau qhov hais tias yus muaj kev xav tsis dawb tsis huv rau lwm tus, yus muaj kev xav phem rau lwm tus. Huab Tais Yes Xus hais rau peb kom txhob ua.