Cov neeg ntseeg nyob Hooj Koos cog lus tias lawv yuav sib koom tes ua zoo thiab nrhiav kev ncaj ncees ua ke.

Raws li kev sib koom ntawm cov neeg ntseeg nyob Hooj Koos lub lis piam tag los, mas lawv thov Ntuj kev haum pheej rau cov ntseeg. Lawv hais tias lawv yuav sib koom taug txoj kev ncaj ncees thiab mus ua ke. Cov Orthodox Hong Kong, South East Asia thiab Hong Kong Christian Council tau npaj lub lis piam thov Ntuj ua ke txij hnub tim 18 txog 25 lub 1 hlis tag los. Lawv thov Ntuj rau tas lub ntiaj teb, thiab npaj cov kab ke nyob hauv lub tsev teev Ntuj All Saints Anglican, uas yog lub tsev teev Ntuj nyob Hooj Koos. Txiv Plig Tan Lei-Tao yog tus nthuav lub tswv yim hais txog lub lis piam ntawm kev thov Ntuj tias : “Ua zoo thiab nrhiav kev ncaj ncees”. 

Cov Txiv Plig Kav Tos Liv hais tias : Saint Arnold Janssen yog tus txhim tsa Society ntawm Tswv Ntuj cov Lus yog tus piv txwv ntawm cov neeg ua hauj lwm zoo. Lawv ua txhua yam thiab muab tus kheej cev rau Tswv Ntuj. 

Fan Chun-ho uas yog cov neeg ntseeg nyob Anglican thiab Txiv Plig Tam Yong-Ming coj kev thov Ntuj thiab thov kom cov neeg tuaj sib koom sau tej lo lus rau saum daim txiag zeb, ua chaw cim tseg tias lawv tau ua zoo thiab nrhiav kev ncaj ncees tiag. Cov neeg ntseeg ntawm lub Cheeb Koom Txoos nyob Nes Pas, mas Txiv Plig Baraily Raju sau rau ntawm lub pob zeb tias : lub ntiaj teb uas zoo tshaj nyob hauv Tswv Ntuj, kom txhib cov neeg ua hauj lwm lub siab, kom sawv daws sib koom tes ua hauj lwm thiab txawj hloov lawv tus kheej.