Ib tug Leej Phauj Npees Las Des tau txais paj tshab Mahatma Gandhi 2022

Leej Phauj Rina uas nws yog ib tug Leej Phauj Kav Tos Liv tau txais lub paj tshab Mahatma Gandhi xyoo 2022, vim nws txoj kev txhawb nqa kev kawm ntaub ntawv.

Leej Phauj Rina yog ib tug Leej Phauj nyob hauv Associates of Mary Queen of Apostles (Santa Maria Regina Apostolum los yog SMRA). Yog lub Koom Haum ntawm cov poj niam Kav Tos Liv uas loj tshaj plaws nyob Npees Las Des teb. 

Kolkata uas nyob hauv lub xeev Bengal, nyob Is Ntias sab hnub poob thiab Human Rights lees txais thiab qhuas txog Leej Phauj Rina cov hauj lwm. Phauj Rina yug nyob hauv lub zos Bhurlia, uas muaj lub tsev teev Ntuj Leej Ntshiab Nicholas. Nws cog lus thawj zaug hnub tim 6 lub 1 hlis xyoo 1980, thiab nws cog lus zaum kawg yog hnub tim 6 lub 1 hlis xyoo 1986. 43 xyoos uas nws ua hauj lwm pab txhua yam nyob hauv fab kev kawm txuj thiab cov xib hwb qhia ntawv. 

Tseem hwv Is Ntias teeb tsa lub paj tshab no los hwm Gandhi txoj kev xav, vim yog hnub txwm 125 xyoos ntawm Mahatma Gandhi yug los nyob hauv xyoo 1995. 

Lub paj tshab no yog muab rau cov neeg uas lawv muaj lub siab txhawb nqa, los yog hloov kev lag luam, txhawb kev tseev tsim uas tsis muaj kev kub ntxhov thiab ua raws li Gandhi lub hom phiaj.