Av qeeg nyob hauv lub nroog Antakya tsis tshuav dab tsi seem li. Txiv Plig Francis hais tias : tshwj zias tus ntxhiab tsw lwj ntawm cov neeg tuag xwb

Tus Txiv Plig nyob hauv lub nroog uas av qeeg hais tias : tej tsev teev hawm thiab txhua yam raug rhuav piam tas. Tsis muaj leej twg yuav pab cawm tau, yam  li niam thiab me nyuam. Ua rau cov kev teev hawm mob siab kawg, nws hais tias : “Kuv ua ntees tsuj xeeb cov neeg tuag Kav Tos Liv, cov Os Thos Dos thiab cov Plos Tes Taas”.

Hauv lub nroog Antakya tsis tshuav dab tsi seem kiag. Peb tsis muaj hluav taws xob siv, peb pw ntawm tej tshav puam. Thoob plaws lub nroog sawv daws ua pa nrog cov ntxhiab tsw lwj ntawm cov neeg tuag. Muaj ib co neeg khiav mus rau Marsin thiab lwm qhov chaw, kom tau chaw nyob.

Antakya yog qhov chaw uas av qeeg muaj ceem tshaj plaws los ntawm Tws Kis teb thiab Xis Lias teb hnub tim 6 lub 2 hlis no.

Niaj hnub mas pom cov neeg tuag txhab ntxiv coob zuj zus, thiab tam sim no cov neeg tuag yog 41,219 leeg, hos nyob Tws Kis teb yog 35,418 leej. Yog ib qhov xwv txheej phem tshaj plaws nyob hauv cov liv xwm tshiab hauv lub teb chaws. Vim nyob hauv 100 xyoo dhau los no, tsis tau muaj dua av qeeg muaj ceem npaum li zaum no. Txawm li cas kuj xij, kev cia siab me me kuj yog qhov tseeb ntawm kev pom kev me ntsis.