Ib tug Tswv Qhia ntawm Vas Tis Kas mus tsham cov neeg ntseeg Kav Tos Liv nyob Xis Lias teb thiab Tws Kis teb, vim av qeeg

Tus Tswv Qhia ntawm Vas Tis Kas mus xyuas cov neeg ntseeg Kav Tos Liv nyob Xis Lias teb thiab Tws Kis teb, vim tam sim no muaj neeg tab tom nrhiav cov neeg tuag. Hnub tim 17 txog 21 lub 2 hlis no, Tswv Qhia Claudio Gugerotti uas yog tus saib xyuas Dicastery for the Eastern Churches rau mus tsham Tws Kis teb thiab Xis Lias teb. Nws lub hom phiaj yog mus nyob ze cov neeg raug xwv txheej los ntawm av qeeg xws li ib leeg txiv, thiab kom tau ntsib cov Txiv Plig, cov neeg ua hauj lwm ntawm Caritas thiab lwm pab neeg, kom sawv daws muab siab rau tshawb nrhiav cov neeg tuag. Kev tawm rooj zaum no yog nyob hauv lub caij Vaj Qhia tab tom nqua hu kom sawv daws thov Ntuj pab rau cov pej xeem uas raug kev kub ntxhov nyob Tws Kis teb thiab Xis Lias teb. Vim av qeeg ntau zaus nyob hauv 2 lub teb chaws no, hnub tim 6 lub 2 hlis no. Muaj neeg tuag 42,000 leej thiab muaj cov neeg raug mob li ntawm 100 tawm txhiab leej. Cov pej xeem li ntawm 2 plhom 400 txhiab leej vaj tse piam sij tag tsis muaj chaw nyob. 

Hnub tim 16 lub 2 hlis xyoo no, Vaj Qhia nyuam qhuav txais tus tiam lis Tws Kis tshiab nyob Vas Tis Kas. Ces Vaj Qhia tau sau ob peb lo lus luv luv txhawb dej siab rau tsoom pej xeem nyob Tws Kis teb.