Zaj nyeem hnub tim 10 lub 3 hlis 2023 (Daily reflection)

ZAJ NYEEM HNUB TIM 10 LUB 3 HLIS, HNUB RAU LUB LIS PIAM 2 CAIJ PLAUB CAUG
COV LUS NYOB HAUV MAS TAIS NTAWV MOO ZOO (MT 21: 33-43, 45-46)

Cov kwv tij, hnub no peb hnov Huab Tais Yes Xus hais zaj paj lug cov tub zog zov teb siab phem muab tus tswv teb cov tub txib thiab tus tub tua, mas peb yuav xav tau li cas? Peb puas xav xws li cov neeg tuaj mloog Huab Tais Yes Xus lawv tau xav tias “Tus tswv teb yuav ua kom cov zov teb siab phem ntawd tuag txom nyem ntsuav, nws yuav nrhiav dua lwm cov tuaj zov daim teb.”
Cov kwv tij, thaud, cov zov teb Huab Tais Yes Xus hais txog mas yog cov neeg Yus Das, lawv yog cov Tswv Ntuj xaiv ua nws haiv neeg; Tswv Ntuj tau xa cov yaj saub tuaj qhia lawv tab sis lawv tsis mloog, qhov kawg Tswv Ntuj xa nws Leej Tub tuaj, tsis kav lawv tau muab Tswv Ntuj Leej Tub tua pov tseg thiab.
Kwv tij, hnub no peb cov txais Cim Ntxuav sawv daws, peb yog Tswv Ntuj haiv neeg, peb yog cov zov Tswv Ntuj daim teb ntag, yog li mas cov lus hauv hnub no thiaj yog Huab Tais Yes Xus tab tom hais txog peb.
Ziag no nyob ntawm peb, saib peb puas yuav ua zoo li cov neeg zov teb siab phem ntawd, los peb yuav tig los yuav lub siab tshiab, ua tus cov teb siab zoo mob siab rau tu Tswv Ntuj daim teb thiab cev feem yog Tswv Ntuj tug rau Tswv Ntuj.
Nyob zoo sawv daws.