Zaj nyeem hnub tim 13 lub 3 hlis 2023 (Daily reflection)

ZAJ NYEEM HNUB TIM 13 LUB 3 HLIS, HNUB OB LUB LIS PIAM 3 CAIJ PLAUB CAUG
COV LUS NYOB HAUV LUS KAS NTAWV MOO ZOO (LK 4: 24-30)

Kwv tij Hmoob sawv daws, zaj nyeem hnub no Huab Tais Yes Xus tau hais txog thaum Tswv Ntuj cawm tus poj ntsuam hauv lub zos Xes Lis Tas, Xis Doos teb, thiab Tswv Ntuj kho tus vaj As Las Mais tus tub rog nyob Xis Lias hu ua Nas Maas kom rov huv.
Nkawd tau txais Tswv Ntuj lub txiaj ntsim vim nkawd tso siab thiab ua raws li Tswv Ntuj hais.
Ntawv Moo Zoo hais ntxiv tias cov Yus Das hauv lub zos Nas Xas Les tsis kam
txais Huab Tais Yes Xus cov lus, lawv ntiab Huab Tais Yes Xus tawm hauv lawv lub zos, thiab lawv xav muab Huab Tais Yes Xus tua, ces Huab Tais Yes Xus thiaj hla hauv nruab nrab lawv mus, nws tso cov neeg hauv Nas Xas Les tseg.
Cov kwv tij, nej twb paub tias Huab Tais Yes Xus yog Tswv Ntuj Leej Tub, yog tus tuaj npo nej hauv kev txhaum lawm, nej kav tsij mloog thiab ua raws li Huab Tais Yes Xus qhia nej, ces Huab Tais Yes Xus thiaj yuav nrog nej nyob mus li, nej thiaj yuav tau txais Tswv Ntuj lub txiaj ntsim nyob hauv nej lub neej mus li.
Nyob zoo sawv daws.