Zaj nyeem hnub tim 14 lub 3 hlis 2023 (Daily reflection)

ZAJ NYEEM HNUB TIM 14 LUB 3 HLIS, HNUB PEB LUB LIS PIAM 3 CAIJ PLAUB CAUG
COV LUS NYOB HAUV MAS TAIS NTAWV MOO ZOO (MT 18: 21-35)

Kwv tij, hnub no Huab Tais Yes Xus qhia kom peb txawj zam rau lwm tus. Huab Tais Yes Xus hais tias “kuv tsis hais rau koj tias 7 zaus. Kuv hais rau koj tias 7 zaus 70 zaus.” Huab Tais Yes Xus lo lus no yog kom peb zam rau lwm tus mus li. 
Kwv tij Hmoob, Huab Tais Yes Xus xav kom peb to taub zoo, nws thiaj hais zaj paj lug tus vaj zam nuj nqis rau tus tub txib, tab sis tus tub txib tsis kam zam nuj nqis rau nws tus phooj ywg raws li nej tau mloog hauv zaj nyeem hnub no.
Zaj paj lug no, thaum tus vaj hnov tias tus tub txib ntawd tsis zam nuj nqis rau nws tus phooj ywg, ces tus vaj thiaj rau txim rau tus tub txib siab phem mus txog hnub nws them nws cov nuj nqis tas.
Kwv tij Hmoob sawv daws, nej yuav zam rau nej cov kwv tij, cov phooj ywg
thiab rau lwm tus mus li, mas Tswv Ntuj thiaj yuav zam rau nej raws li cov lus
teev Ntuj hauv zaj ‘Peb Txiv’ tias “Thov koj zam rau peb zoo li peb zam rau
luag.”
Nyob zoo sawv daws.