Vaj Qhia Zam Paj Lug 1

Vaj Qhia  Zam Paj Lug 1

Zam Paj Lug Ib, Latin Johnnes Paulus nws lub npe qub yog Albino Luciani. Nws yug hnub tim 17 lub 10 hli 1912 nyob Forno di Canale, Is Tas Lias. Nws tuag hnub tim 28 lub 9 hlis 1978 nyob Los Mas. Nws yog tus Vaj Qhia uas muaj Tswv Qhia 33 hnub nyob hauv xyoo 1978 thiab luv tshaj plaws nyob rau zim txwv no. Nws yog thawj tus Vaj Qhia uas xaiv 2 lub npe, nws ua li ntawd vim nws xav nco txog 2 tug neeg ua ntej nws, yam li yog Zam 23 thiab Paj Lug 6. Nws yog thawj tus Vaj Qhia nyob hauv ntau caum xyoo uas tsis kam ntoo lub kaus mom Vaj Qhia, nws xaiv ntoo cov Tswv Qhia cov kaus mom xwb. Thiab sawv daws paub nws zoo nyob hauv lub npe “Vaj Qhia luag ntxhi”, vim nws kheev kheev luag rau sawv daws pom.
Luciani yug los nyob hauv ib tsev neeg txom nyem, nws raug tsa ua Txiv Plig xyoo 1935. Nws raug xaiv ua tus lwm tswj cov tub tshaj Ntuj Lus nyob hauv lub Cheeb Koom Txoos Npes Lus Nos. Nws qhia fab ntsuj plig thiab txoj cai nrog rau cov duab ntshiab. Nws tau txais daim ntawv pov thawj hais txog kev qhuab qhia nyob hauv lub tsev kawm txuj txheej siab Vaj Qhia Nqes Nkos Lis xyoo 1947. Thiab xyoo tom qab nws raug tsa ua tus saib lub Cheeb Koom Txoos, kom tau qhia cov neeg Los Mas Kav Tos Liv uas lawv muaj kev txawj ntse tsawg.
Xyoo 1958 Luciani raug xaiv ua tus Tswv Qhia nyob Vittorio Veneto, nws raug tsa ua Tswv Qhia nyob Ves Nis xyoo 1969, thiab tau ua Tswv Qhia Liab xyoo 1973. Xyoo 1976 nws tau luam ib phau ntawv txhim kho Illustrissimi (To the Illustrious Ones), yog sau tas cov tsab ntawv hais txog lub keeb ntawm tib neeg, xws li Yes Xus thiab Mark Twain thiab tus ua yeeb yam nyob hauv The Pickwick Papers uas yog Charles Dickens.
Luciani raug xaiv ua Vaj Qhia hnub tim 26 lub 8 hli 1978. Nws yog thawj tug Vaj Qhia ntev tshaj suav txij li Vaj Qhia Pis Os 5 los. Nws muaj meej mom kawg nyob hauv kev ua tiam lis. Nws tuag sai heev, yog vim lub plawv nres. Nws ua tau txhua yam tiav kuj yog los ntawm Vaj Qhia Zam Paj Lug Ob.