Cov hauj lwm ntawm tiam lis Suav uas mus tsis tau nrog As Mes Lis Kas, Lav Xias, Us Khas Zis Nas thiab Aws Los Pas.

Wang Yi uas yog tus tiam lis Suav nyob Aws Los Pas ua raws lub tswv yim kev thaj yeeb ntawm Xim Ceej Pheem uas tau hais tias yuav tso tseg kev kub ntxov nyob Us Khas Zis Nas. 

Wang Yi, tus thawj coj ntawm tiam lis txawv teb chaws thiab yog tub koom tes ntawm cov koom tshaj Politburo cov hauj lwm ntawm kev ua tiam lis nyob hauv cov teb chaws Aws Los Pas yuav mus tsis tau ntxiv. Ntawd yog yuav tsum txhim kho kev sib fim sib raug zoo nrog Aws Los Pas. Thaum rov pib kev sib raug zoo nrog teb chaws As Mes Lis Kas thiab ua kev ruaj khov rau Pej Ceeb tus phooj ywg Lav Xias tias lawv yog "Kev phooj ywg tsis muaj ciaj ciam".

Hauv lub rooj sab laj kev ruaj ntseg koom tshaj lub lis piam tag los, vam tias Suav yuav muab cov nqe lus tseem ceeb coj los hais thiab daws cov teeb meem kev kub ntxhov nyob Us Khas Zis Nas teb. 

Tus tiam lis Suav hais tias : lawv lub teb chaws zoo siab txhawb nqa kev sib hais haum kom tau nyob thaj yeeb ntawm Lav Xias thiab Us Khas Zis Nas. Txawm li cas kuj xij, yam uas tus Txoov Tim Tswv Xim Ceej Pheem tshaj tawm rau sawv daws hnub tim 24 lub 2 hlis, yog hnub txwm ib xyoos ntawm Lav Xias tua Us Khas Zis Nas teb, ces pom tias kev thaj yeeb yuav muaj tsawg dua cov lus hais. Vim Pej Ceeb yuav tsis ncaj qha daws teeb meem ntawm lub teb chaws ntawd. 

Suav cov lus hais yuav kom cov tub rog Lav Xias thim rov qab thiab rov txhim kho Us Khas Zis Nas teb kom zoo tuaj. Qhov no yog qhov tseem ceeb uas Pus Tis nws yog Suav ib tug phooj ywg yuav tsis pom zoo. Cov tseem hwv sab hnub poob thiaj ua xyem xyav txog qhov tseem hwv Suav yuav pib kom muaj kev thaj yeeb.