Zaj nyeem hnub tim 25 lub 3 hlis 2023 (Daily reflection)

ZAJ NYEEM HNUB TIM 25 LUB 3 HLIS, HNUB TUS TSHIAB XA LUS RAU MAB LIAB
COV LUS NYOB HAUV LUS KAS NTAWV MOO ZOO (LK 1: 26-38)

Kwv tij, hnub no lub Koom Txoos Kav Tos Liv hwm tus Tshiab xa lus rau Mab Liab, los yog hnub Mab Liab tau txais xov ntawm Tswv Ntuj tus Tshiab tias nws yuav xeeb Tswv Ntuj Leej Tub.
Cov kwv tij, vim niam Mab Liab zoo siab txais Tswv Ntuj Leej Tub los xeeb hauv nws, mas Tswv Ntuj kev cawm ntiaj teb neeg thiaj tsheej xeeb tau thiab niaj hnub no peb thiaj vam khom tias peb cov neeg txhaum yuav tau txais kev cawm.
Hnub no, peb yuav ua ib tug neeg me cia Tswv Ntuj tuaj nyob hauv peb, thiab peb yuav cev tag nrho peb txoj sia, lub neej rau hauv Tswv Ntuj txhais tes, cia rau Tswv Ntuj ua hauj lwm nyob hauv peb xws li tus nkauj ntshiab Mab Liab tau ua piv txwv rau peb nyob hauv hnub no.
Nyob zoo sawv daws.