Zaj nyeem hnub tim 31 lub 3 hlis 2023 (Daily reflection)

ZAJ NYEEM HNUB TIM 31 LUB 3 HLIS, HNUB RAU LUB LIS PIAM 5 CAIJ PLAUB CAUG
COV LUS NYOB HAUV ZAM NTAWV MOO ZOO (Z 10: 31-42)

Kwv tij sawv daws, Ntawv Moo Zoo hnub no yog hais txog thaum Huab Tais Yes Xus mus koom lub hnub nyoog nqaum paj nqaum nruas ntxuav lub Tuam Tsev Teev Ntuj, ces muaj cov Yus Das los ntsauv Huab Tais Yes Xus, lawv xav paub tias Huab Tais Yes Xus yog leej twg tiag. Huab Tais Yes Xus thiaj hais rau lawv tias nws yog Tswv Ntuj Leej Tub. Vim Huab Tais Yes Xus lo lus no mas cov Yus Das thiaj npau taws heev, lawv hais tias Huab Tais Yes Xus tab tom tsa nws ua Tswv Ntuj ntag. Lawv yuav muab pob zeb txawb Huab Tais Yes Xus kom tuag.
Huab Tais Yes Xus hais rau lawv tias txawm lawv tsis kam ntseeg tias nws yog Tswv Ntuj Leej Tub, los thov kom lawv ntseeg cov hauj lwm nws tau ua ntawd vim cov hauj lwm ntawd tuaj ntawm Tswv Ntuj tuaj.
Kwv tij Hmoob sawv daws, nyob hauv peb haiv Hmoob mas muaj ib txhia lawv tsis lees Huab Tais Yes Xus ua lawv tus Huab Tais, lawv tsis ntseeg tias Huab Tais Yes Xus yog Tswv Ntuj Leej Tub, lawv tseem thuam tias Huab Tais Yes Xus ua tsis ncaj rau Hmoob tus vaj, mas Tswv Ntuj thiaj xa Huab Tais Yes Xus los raug tuag nyob hauv ntiaj teb them nws lub txim tau ua txhaum rau vaj Hmoob.
Kwv tij, txawm yuav muaj peb ib co kwv tij Hmoob hais li ntawd, los yog muaj nej tej tus xav li ntawd. Los peb xav kom nej soj ntsuam txog Huab Tais Yes Xus cov hauj lwm khuv leej neeg, cawm nej thiab cawm peb. Ces nej yuav pom tias txog qhov tseeb.
Nyob zoo sawv daws.