Tus Tswv Qhia Liab uas laus tshaj nyob As Xias, nws muaj hnub nyoog txwm 94 xyoos.

Wednesday, March 29, 2023

Tswv Qhia Liab Michai Kitbunchu los yog tus sawv daws paub mus dav heev, nws yug nyob hauv lub nroog Samphram, hauv lub xeev Nakhon Pathom, nyob Thaib teb. Nws yug hnub tim 25 lub 1 hlis xyoo 1929. Nws yug los nyob hauv ib yim neeg Kav Tos Liv ua liaj ua teb, tab sis nyob ze lub tsev teev Ntuj loj.

Nws pib kawm qib qis nyob hauv nws lub zos thiab nws pib mus kawm ua tub tshaj Ntuj Lus txawv teb chaws thaum nws kawm ntawv txheej nrab. Tom qab nws rov los Thaib teb, mas nws ua tus lwm pab qhia kev ntseeg thiab ntxiv mus nws ua tus qhia kev ntseeg nyob Bangkham. Ntxiv mus nws kuj tau ua tus qhia kev ntseeg nyob hauv lub tsev teev Ntuj Calvary nyob tuam ceeb Bangkok.

Nws tau ua tus tuav xam ntawm lub Cheeb Koom Txoos thiab ua tus thawj tswj tsev kawm tsev kawm txheej siab hais txog ua Txiv Plig xyoo 1965 txog 1972.

Hnub tim 18 lub 12 hlis xyoo 1972, Vaj Qhia Paj Lug 6 tsa nws ua tus Tswv Qhia tim 2 nyob Bangkok.

Vaj Qhia Zam Paj Lug Ob tsa nws ua Leej Ntshiab Lorenzo tus Tswv Qhia Liab hnub tim 2 lub 2 hlis xyoo 1983. Nws yog ib tug muaj cai xaiv tsa Tswv Qhia Liab uas koom sab laj nrog Vaj Qhia nyob hauv xyoo 2005, uas lawv xaiv Vaj Qhia Npes Nes Dis tim 16. Nws yog thawj tug Tswv Qhia Liab nyob Thaib teb thiab yog tus thawj tswj ntawm kev sab laj lub rooj Tswv Qhia nyob Thaib teb txij xyoo 1979 txog 1982.

Thiab tom qab no nws kuj ua tus thawj tswj ntawm lub rooj sab laj lub rooj Tswv Qhia nyob Thaib teb xyoo 2000 txog 2006.