Vaj Qhia Fas Ntshis Kus yuav mus tsham Hoos Nqias teb (Hangary), rau lub 4 hlis xyoo no.

Friday, March 31, 2023

Vas Tis Kas tshaj tias : Vaj Qhia Fas Ntshis Kus yuav mus tsham Hoos Nqis teb ua zaum 2, nyob hauv hnub tim 28 txog 30 lub 4 hlis xyoo no.

Raws kev tshaj tawm hnub tim 27 lub 2 hlis dhau los, kev tawm rooj ntawm Vaj Qhia 3 hnub sib law, yuav mus rau Budapest kom tau ntsib tus Txoov Tim Tswv Hoos Nqis hu ua Katalin Novak thiab tus thawj pwm tsav Viktor Orban. Kev tawm rooj zaum no yog ib qho tawm rooj me me ntawm ntiag tug nrog cov me nyuam yaus uas nyob Blessed Laszlo Batthyany-Strattmann Institute thiab kev ntsib cov neeg pluag txom nyem, cov neeg thoj nam, cov tub ntxhais hluas, cov Txiv Plig, cov kws txuj thiab cov neeg ntseeg txog Yes Xus.

Vaj Qhia rov qab mus nws teb chaws nyob Aws Los Pas nrab tom qab kev ncig tsham luv luv hauv xyoo 2021, vim nws yuav koom kev sab laj hais txog lub Cim Yug ntawm txhua lub teb chaws zaum tim 52. Vaj Qhia siv sij hawm tsis txog 7 teev nyob Budapest, kom tau koom thaj txi Ntuj kaw lub pwm tsav hnub tim 12 lub 9 hlis, ua ntej 3 hnub nws yuav mus rau lub teb chaws Xos Vas Kis los yog Slovakia.

Vaj Qhia Fas Ntshis Kus tau ntsib tus thawj pwm tsav Orban ib zaug nyob hauv xyoo 2021 uas nws mus tsham Hoos Nqis teb thiab ntsib nyob Vas Tis Kas xyoo 2022. Novak raug xaiv ua Hoos Nqis tus Txoov Tim Tswv lub 3 hlis xyoo 2022, ces nws thiaj mus ntsib Vaj Qhia nyob Vas Tis Kas thaum lub 8 hli tsaib no. Novak poj niam thiab nws niam yog Plos Tes Taas. Yav tag los nws tau ua Hoos Nqis tus pwm tsav fab kev pab cov yim neeg.