Nthuav koj lub tsev tsam phooj kom dav. (Synod Preparatory Document)

“Enlarge the space
of your tent” (Is 54:2)
Nthuav koj lub tsev tsam phooj kom dav

Cov ntaub ntawv ua hauj lwm rau cov xeev ntuj.
Cov ntsiab lus txoj cai.
Tsoom neeg ntseeg yog Tswv Ntuj cov neeg.
Synod lub ntsiab lus ntawm Synod nyob hauv Synodality yog dab tsi ?
Hauv Synod muaj dab tsi, mus saib tau lo lus nug uas kheev ntsib nyob hauv Synod.va, kev mus ua ke ntawm cov neeg uas yog cov neeg ntseeg tus tsim koob hmoov ntawm Tswv Ntuj. Yam no qhia kom pom txog cov His Xas Lais txoj kev mus kev tom ntej, uas lawv mus nrhiav daim av nrog Tswv Ntuj cog lus. Kev thov Ntuj thiab muaj Leej Ntuj Plig Ntshiab ua tus coj. Sib ntsib, sib faib, mloog ua ke yog qhia txog kev ua neeg ntseeg. 
Nyob hauv txhua nqe lus ntawm Synodal, muaj coob leej tau hais lus tawm tswv yim ywj siab thiab muaj txoj kev nyiam txog lub Koom Txoos thiab lawv txoj kev ntseeg. Lub hom phiaj ntawm Synod tsis yog ua ntaub ntawv xwb, nws yog qhib lub ntuj dav ua kom cov hauj lwm ntawm lub Koom Txoos tiav. Kev muaj feem cuam, kev sib koom tes ntawm cov tau txais lub Cim Ntxuav, lawv yuav tau sib koom tes tsim tej pawg ntseeg uas yog Tswv Ntuj cov neeg. 
Lub luag hauj lwm uas kom txhua tus txais lub Cim Ntxuav, sawv daws raug hu kom mus tshaj Ntuj Lus thiab kwv ntoo cuam ua tim khawv txog Yes Xus thiab lub Moo Zoo. 
Synod muaj kev ntseeg tob, muaj zog thiab kev cia siab. Lub hwj chim thiab kev nplua nuj ntawm cov neeg ntseeg tshwm sim nyob hauv kev kawm thiab kev tshaj Ntuj Lus nyob hauv zej zog, hauv lub Cheeb Koom Txoos thiab hauv lub teb chaws, vim muaj kev sab laj hauv cov tsev teev Ntuj nyob thoob teb chaws.

Txoj cai hauv cov xeev ntuj.
. Qhia kev cia siab thiab kev txhawj xeeb rau Tswv Ntuj cov neeg nyob thoob ntiaj teb.
. Pab lwm lub tsev teev Ntuj thiab mloog lwm tus lub suab.
. Teev tej yam tseem ceeb ua ntu zus uas yuav sib tuav xam nyob hauv lub rooj sab laj loj hauv lub 10 hli xyoo 2023.
. DCS tsis yog kev qhia theological ntawm Magisterium.

Kev soj ntsuam tej pab pawg neeg lub neej  
. Hais txog lub Koom Txoos cov hauj lwm, uas tshaj Moo Zoo txog Yes Xus txoj kev sawv rov los thiab Tswv Ntuj txoj kev cawm lub ntiaj teb.
. Qhov tshwm sim ntawm kev sab laj hauv cov neeg ntseeg hauv zej zog.
. Kev nkag siab ntawm cov xib hwb nyob hauv lub rooj sab laj Tswv Qhia.
. Txua lub meej mom ntawm txhua tus neeg uas txais lub Cim Ntxuav.
Lub Cim Ntxuav yog lub hauv paus ntawm kev qhuab qhia thiab kev koom tes ntawm cov neeg ntseeg nyob thoob ntiaj teb. 
Kev sib koom ua ke : tsis muaj ib tug raug hnov qab los raug tso tseg, kev mloog yog txoj hauj lwm thiab kev tshaj lub Moo Zoo. Kev ua ntawm tib neeg nyob hauv txoj kev saib xyuas lwm tus nyob hauv fab ntsuj plig yog kev tshaj Tswv Ntuj lub Moo Zoo. 
Txoj hauj lwm yog tus yam ntxwv tshiab ntawm kev sib koom tes, sib koom muaj feem cuam ntawm txhua tus neeg uas tau txais lub Cim Ntxuav. Tib neeg yuav tsum raug lim thiab txhawb nqa fab ntsuj plig, kom tau ua cov hauj lwm mus raws tus qauv thiab txoj cai nyob hauv lub Koom Txoos. Kev tig los yuav lub siab tshiab, kev khuv leej thiab kev lees txais lub pwm tsav tus yam ntxwv. 
Qhov chaw ntawm kev txais lub Cim Yug, qhov chaw los thiab qhov tob tshaj plaws ntawm cov neeg ntseeg lub neej. Coj cov neeg ntseeg los nyob ua ke, txhawb nqa kev sib koom kom sawv daws sib koom tes tiag. Nrog lwm tus neeg thiab lawv cov kwv tij zoo siab uas lawv mloog Tswv Ntuj. 
Kev tos txais tus yam ntxwv : tos txais nyob hauv cov lus muag nyoos. 
Muaj kev paub txog cov neeg ntseeg qhov xav tau ntawm kev ua hauj lwm rau tej pawg ntseeg. Ib tsoom neeg xav kom cov neeg ntseeg ua tim khawv, muaj kev sib koom tes, kev tos txais thiab qhib roog. Yog ua li no mas yuav ua rau neeg pom tias yus yog neeg ntseeg tiag thiab muaj txoj kev ntseeg kub lug. 
Kev hloov siab los txais kev ntseeg, kom pom txog qhov tseeb hauv lub neej ua neeg ntseeg thiab pom txoj kev kaj, pom tus duab. Ib tsoom neeg yuav sov siab rau qhov lawv los ua ke, mus ua ke thiab sib tham ywj siab. 
Ntsib lwm tus neeg teev hawm lwm txoj kev cai, txaus siab yuav nrog lawv sib tham txog tej yam muaj lub ntsiab tob. 
Thaum Tswv Ntuj 

Teeb meem thiab kev sib tw
1 : Thawj qib ntawm kev tiv.
Kev muab siab rau cog cov lus thiab lwm yam, kev ntshai muab siab rau kom muaj vaj huam sib luag los yog nrhiav suab kom ntau, kev ua xyem xyav tias lub Koom Txoos puas txaus siab hloov, qhov ntawd yog qhov teeb tseg lawm.
Kev tiv ntawm cov Txiv Plig, kev nyob twj ywm ntawm cov neeg ntseeg, kev ntshai tawm mus koom nrog ib tsoom neeg ywj siab.
Tsis muaj qhov tseeb hais txog cov Txiv Plig, kev piam sij ntawm cov thawj coj qee tus hloov mus ua cov neeg ncig tsham teb chaws.
Ntawm cov Txiv Plig thiab cov neeg ntseeg, tsis muaj cov Txiv Plig txaus, kev qaug zog thiab txoj hauj lwm muaj tsawg, tsis muaj kev lees txais cov Txiv Plig thiab qhuas zoo siab. Hais txog kev quab yuam deev tej tub ntxhais hluas ntawm cov Txiv Plig, tsis hais txhua yam, cov Txiv Plig, lub hwj chim, nyiaj txiag, kev ncaj ncees, tsis tuaj yeem txais tej yam ntawd. Kev daws kho thiab them nyiaj pauj thov kom muaj kev dawb huv. Lees txais thiab txais qhov kev ua txhaum ua ke ntau dua. 
Lub Koom Txoos raug kev tib ntawm lub teb chaws hauv tsov rog thiab kev sib txeeb. Cov haiv neeg thiab tej pab pawg neeg yog qhov ua kom neeg mus ua ke. Tsim kev thaj yeeb thiab kev sib koom tes ntau dua qub. Kev sib koom tes, kev sib pab kho thiab kev sib haum xeeb thiaj ruaj khov.
2 : Kev mloog ntawv Ntshiab.
Daim duab tsev tsam phooj hauv ntawv Ntshiab, yog hais txog kev ua neeg thoj nam tsiv teb tsaws chaw. Dhau no lawm, tseem yog kev nqua hu kom rov qab mus qub teb qub chaw. 3 daim duab hais txog tsev tsam phooj, yog ntaub npog thiab kev tiv taiv. Hlua yog qhov rub thiab ua kom lub tsev tsam phooj nyob tus ruaj chaw. Tus ncej hlau uas cog yog cog rau hauv av thiab ua kom tshem tau lub tsev tsam phooj mus los lub caij yus xav tshais chaw. Lub Koom Txoos zoo li lub tsev sab laj, nthuav tau, tshais chaws tau, nthuav rau sawv daws tau thiab tuaj yeem npog tau txhua yam.
Lees txais txhua yam thiab zoo siab tuag theej lwm tus neeg. Kev sib raug zoo muaj heev zuj zus nrog Tswv Ntuj thiab ib zeej tsoom neeg.
3 : Tsev teev Ntuj, Synodal thiab tus tshaj Ntuj Lus.
Lub Koom Txoos zoo li lub tsev tsam phooj, nthuav dav thiab muaj sia. Lub Koom Txoos uas coj lub neej raws Ntawv Ntshiab, yog tim khawv tshiab tsis zoo li qub lawm. 
Kev sib koom ua kub ntxhov, kev sib koom ua tswv ua ke, kev mloog uas tsis xav hnov, tsis txiav txim thiab kev mloog tus neeg uas tsis nyob ze yus. 
Kev rhuav tshem teeb meem ntawm lo lus hais, kev mloog thiab kev zam, kev sib cais thiab ua kom cov txiv neej mloog poj niam. 

Tub ntxhais hluas : Kev sib koom ua ke, kev koom ua ib tug thiab kev txhawb nqa. 
Cov tub ntxhais hluas paub tej yam txawv, xav tau tej yam kev xaiv rau cov tub ntxhais hluas. Txhawb nqa Digital Synod, kom tseem ceeb rau cov tub ntxhais hluas. 

Cov neeg tuag tes tuag taw : kev txhawb nqa fab kev tshaj Ntuj Lus, kom tos txais lawv thiab txhawb nqa lawv kom muaj feem cuam sib koom. 
Zam kev ua, kev sib cais, txhab kev txhawb nqa thiab lees txais, muab siab rau txog cov poj niam hla teb chaws. Cov poj niam uas xav tau kev pab thiab kev txuag lawv tus me nyuam nyob hauv plab, tiv thaiv kev ntaus nchuav me nyuam. 
Zoo siab mloog cov neeg raug tso pov tseg thiab raug cais. Kev sib nrauj uas rov sib yuav tshiab, cov me nyuam uas niam txiv ib leeg tu, cov uas muaj ntau tus hlub. Lub Koom Txoos yuav ua qhov chaw nkaum rau cov neeg sib tawg thiab cov neeg raug mob. Kom lawv tau ntsib lawv cov neeg thiab nrog lawv mus ua ke. Yuav txhawj xeeb thiab txhawb nqa lawv, tsis txhob txiav txim rau lawv. 
Nqe 40, thov kev sib koom tes, kev sib tham thiab kev tos txais txhua yam ntawm cov neeg raug cais, cov neeg pluag txom nyem, cov neeg laus uas nyob ib leeg, cov neeg hauv nroog, cov neeg thoj nam, cov neeg loj leeb, cov neeg quav dej quav cawv, cov neeg raug txim, cov niam ntiav, cov neeg raug nyiag mus muag, cov neeg dim ntawm kev tsim txom thiab kev tsis sib haum ntawm haiv neeg. Tej yam no raug xaiv, vim haiv neeg, poj niam thiab txiv neej, kab lis kev cai thiab hais txog poj niam txiv neej, lub Koom Txoos txoj hauj lwm yog ua kom Tswv Ntuj nyob nruab nrab hauv cov neeg li hais no los ntawm Tswv Ntuj cov Lus. Cov Cim Ntshiab thiab txhua yam kev ua yog saib xyuas cov neeg raug mob thiab raug kev tsim txom. 
Lub Koom Txoos ua tim khawv txog lub noob ntawm kev ntseeg, ib yam li cov hauj lwm uas raug xaiv. Lub Koom Txoos ua tim khawv nto npe mus thoob ntiaj teb. Lub Koom Txoos thiab cov tub tshaj Ntuj Lus yog lub Koom Txoos uas muaj kev sib koom tes thiab tiv txhua yam nyob ntiaj teb no. Kom tau coj txhua yam ntawm txoj kev cawm rau ib zeej tsoom neeg.

Rooj sab laj 3
Mus ua ke thiab koom ua ib yim neeg.
Kev muaj feem cuam nyob hauv kev nrog lwm tus sib tham uas yog neeg ntseeg thiab tsis yog neeg ntseeg. Qhov ntawd yog xav tau kev sib pauv tswv yim thiab kev ua hauj lwm ua ke kom ntau dua qub nyob hauv tej pab pawg neeg, hauv kab lis kev cai thiab teeb meem lub qhov txhab ntawm ntiaj teb thiab lub Koom Txoos. Tej haiv neeg, tej kev teev hawm, kev pluag txom nyem, kev tsis sib luag ntawm poj niam thiab txiv neej. Tej kev cheem tsum ntawm kev pauv ntxeev hauv kev txhaum uas kaw tib neeg cia. 
Teeb meem ntawm txhua yam nyob ib puag ncig nws txuas nrog cov neeg pluag lub suab hu, ces tsim nyog yuav sib koom tes nrog kev lees paub ntawm txhua lub KoomTxoos txhua pab neeg. Cov neeg ntseeg lwm txoj kev teev hawm thiab cov muaj kev xav zoo, sawv daws yuav sib koom daws cov teeb meem ntawm txhua yam nyob ib puag ncig. 
Lub Koom Txoos txoj hauj lwm nthuav tawm yog tsim kev thaj yeeb, kev sib haum xeeb uas ua kom muaj kev ncaj ncees. Lub Koom Txoos muaj feem cuam nrog kev sib tham, kev koom tes kom ruaj khov tuaj. Xav tau pov thawj ntawm kev sib koom ua ib lub siab nyob hauv cov neeg ntseeg thiab cov neeg ntseeg lwm txoj kev teev hawm, kom tau daws cov teeb meem kub ntxhov no. 
Kev sib tham thiab kev ua hauj lwm ntawm kev ntseeg, tsis yog yuav hais txog cov neeg txheej siab xwb, tab sis yuav tsum hais txog txhua yam ntawm kev muab siab rau nyob hauv kev tshaj kev ntseeg Kav Tos Liv. Cov neeg ntseeg yuav sib koom siab thiab muaj cuab kav daws tej teeb meem ntawd. 
Lub Koom Txoos tshaj Yes Xus cov lus nyob hauv tej kab lis kev cai sib txawv. Tej kev uas yus tsis quav ntsej txog txoj kev teev hawm uas muaj, mas nws yuav cuam tshuam txog kab lis kev cai uas yog ib feem hauj lwm xws li, kev sib nrauj, kev nchuav me nyuam, kev noj tshuaj tiv thaiv kom txhob muaj me nyuam thiab kev sib deev.

Xav kom tau tej yam kom zoo thiab txhawb nqa lub cuab yim neej.
Kev yuam cov tub ntxhais hluas neeg ntseeg kom mus teev lwm txoj kev teev hawm, yog kev tsis tso siab thiab kev quab yuam. Kev yuav daws tej txoj cai ntawm cov haiv neeg tsawg uas yog neeg ntseeg, ua rau muaj kev sib tawg los ntawm kev mus ua ke.   
Kev nrog txhua hom neeg mus kev, kev ua neeg mus raws kev ntseeg, lub Koom Txoos tseem yog tus tuav kev sib koom siab. Kev txhawb nqa kab lis kev cai kom haum nrog kev ntseeg ntawm tej co neeg, ntsuj plig thiab lub tswv yim ntawm tej yam no yog kawm los ntawm keeb kwm kab lis kev cai. Paub thiab pom txog qhov yuam kev ntawm yav tag los. Txoj hauj lwm ntawm kev sib koom, yuav tsum hais kom meej tseeb nyob hauv cov hauj lwm yus ua thiab tej kab lis kev cai. Kom nco txog lub Koom Txoos cov hauj lwm ntawm cov neeg tau txais lub Cim Ntxuav. 
Lub meej mom tus cag yog los ntawm lub Cim Ntxuav, muaj kev sib faib hauj lwm thiab ua cov hauj lwm uas yog kev hlub thiab kev ua hauj lwm pab luag tej. Cov Txiv Plig thiab lawv cov hauj lwm yog qhov tsim nyog qhuas, tab sis kuj muaj tej yam yuav tsum xyuam xim thiab. Cov Txiv Plig tus yam ntxwv yog ib tug piv txwv nyob hauv cov neeg pluag fab ntsuj plig. 
Kev npaj lub siab ntawm kev ua tus coj, thov kom muaj kev sib koom ua ib lub siab thiab sib koom lees txais tej yam yuam kev nrog cov Txiv Plig thiab cov neeg ntseeg. 
Kev lees txais thiab saib tej yam cov poj niam txoj kev sib koom muaj nqis, kev mloog lwm tus zaj tswv yim, ua kom lawv txoj kev sib koom tes muaj neeg lees paub. Yuav tsum muaj kev zeem tseeb thiab txhawb nqa txog poj niam txoj kev sib koom tes thiab kev txiav txim siab. 
Kev ua niam ua txiv thiab ua tus coj, lub Koom Txoos tsim nyog daws cov teeb meem uas raug cov poj niam thiab tej yam uas ua rau cov poj niam hais txog kev sib deev. 
Kev kub ntxhov, kev pluag txom nyem mas yuav tau nco txog poj niam txoj kev sib koom tes ntawm kev teev hawm thiab cov neeg ntseeg. Yuav tsum cia cov neeg ntseeg muaj feem cuam nrog lub Koom Txoos cov hauj lwm txhua fab raws nyias lub peev xwm. Txoj kev xav txog yav tom ntej thiab cov hauj lwm, yuav hloov kev xav thiab fab ntsuj plig uas tuaj yeem txuag tau kev ua hauj lwm ntawm Synodality. 
Kev sib haum xeeb ntawm lub Koom Txoos thiab lwm cov Koom Txoos, yog qhov zeem tseeb thiab lees paub txog cov neeg ntseeg hauv txhua xeev ntuj thiab txoj kev tshaj Ntuj Lus tshiab. Kev tshaj Ntuj Lus Roman Curia xav ntau txog Synodal uas tshwm sim nyob hauv Pradeicate Evangelium. Kev sab laj hauv lub rooj Tswv Qhia thiaj hloov ua kev sab laj pwm tsav uas yog cov Txiv Plig, kev teev hawm thiab cov neeg ntseeg. Leej Ntuj Plig Ntshiab koom nrog sawv daws nyob hauv cov tsev teev Ntuj thiab cov Koom Txoos zoo li cov tsev teev Ntuj sab hnub tuaj. 

Rooj sab laj 4
Nqua hu kom muaj kev ua hauj lwm, lees txais lub luag hauj lwm thiab txiav txim siab qhib kev dav thiab ntshiab huv dua qub. Kev txhawb nqa kev cia siab thiab ua kom ntseeg, kev sib koom tes thiab kev tuav xam yog lub hom phiaj ntawm kev ua hauj lwm. Zam lub hwj chim quab yuam uas muaj feem cuam nrog kev tshaj Ntuj Lus, fab nyiaj txiag thiab lwm yam. 
Nws yog ib qho tsim nyog yuav nrhiav txoj hau kev los ntxiv kev sib koom ua ke nyob hauv lub Koom Txoos. 
Cov tsev kawm ntawv txheej siab txhawb kev tshawb fawb los pab lwm cov tsev kawm.
Txheej txheem daim ntawv ntawm kev tswj hwm thiab hauv kev txiav txim siab.
Ua raws li nyob rau hauv ib lub Koom Haum ntawm lub neej thiab cev tus kheej. Yuav tsum txhim kho txhab ntxiv hauv Synodality.
Kev teeb tsa cov Txiv Plig thiab tej kev cai dab qhuas.
Kev siv zog yuav tsum tau ntxiv dag zog rau tus ntsuj plig ntawm Synodal.
Kev thov Ntuj, lub Cim Yug, mloog Tswv Ntuj cov Lus txhawb nqa dag zog rau kev mus ua ke. Koom nrog cov kab ke ntau dua tsis yog hais txog kev ua koob tsheej ntau dua tus koom kev tsuj xeeb.
Kev thov Ntuj kuj muaj kev cais tawm thiab txawm tias muaj kev sib cav thiab kev ntxub ntxaug thiab tsis sib haum xeeb, tsis kav kev thov Ntuj yuav tsum yog ib lub zog ntawm kev sib koom.
Yuav tsum nqua hu kom muaj kev tos txais zoo dua, thiab muaj Ntawv Ntshiab ua qhov chaw nruab nrab. 
Teeb meem : qhov twg tib neeg raug tiv thaiv los ntawm kev faib lub Cim Yug thiab lwm cov Cim.
Kev nyob deb, tsis hais cov Txiv Plig, kev rov sib yuav, kev sib nrauj, tsis muaj kev sib raug zoo nrog lawv.
Tus yam ntxwv kev tsuj xeeb ntawm Synodal, nqua hu kom muaj kev hloov nyob hauv kev thov Ntuj.
Kab lis kev cai thiab ntau yam kab ke yog lub cuab tam.

Sob 4, tus txheej txheem ntxiv mus.

Lub sij hawm ntev : lub Koom Haum thov kom hloov siab ntawm tus kheej thiab txhim kho lub Koom Txoos mus rau lub sam thiaj ntawm xeev ntuj.
Koom Txoos ntawm kev txuag thiab txhim kho ntau lub tsev teev Ntuj, kev qhuab qhia Synodal tus txheej txheem rau kev rov txuas hnub nyoog, kev ua dua tshiab kom qhov nkag siab tob dua qub.
Ua raws li txoj kev txoj cai, sib mloog, koom ua hauj lwm thiab koom kev sib tham.
Mloog thiab txawj xaiv Tswv Ntuj cov Lus thiab qhov tseem ceeb ntawm lub sij hawm.
Kev txuas caij nyoog thiab hloov kho yam ua ntu zus.
Muab lub sij hawm rau cov neeg ntseeg los ua lub luag hauj lwm hauv lub Koom Txoos kom ntau dua qub. Kawm kom paub tham txog tej yam lom zem thiab sib haum xeeb, sib faib txhiam xws noj.
Sawv daws raug xaiv kom muaj feem cuam hauv kev mus ua ke, tsis zam ib tug li.
3 lo lus nug hauv lub sam thiaj ntawm xeev ntuj.
1 – Nyob hauv koj xeev ntuj uas koj pom, qhov tseeb ntawm lub Koom Txoos puas yog yam tshiab thiab pom kev rau koj ?
2 – Dab tsi yog kev chawj chim, lus nug los yog teeb meem uas yuav hais ntxiv mus ?
3 – Qhov tseem ceeb ntawm cov ncauj lus uas thov kom nqis tes ua, sib faib, thiab kev sib tham ntawm Synodal.
Lub rooj sab laj lub 10 hli 2023