Nthuav koj lub tsev tsam phooj kom dav (Asian Continental Assembly on Synodality. Press release)

Suav rov qab zaum kawg
Xov xwm txij hnub tim 1 txog 23 lub 2 hlis xyoo 2023.
Hauv lub tsev Ban Phu Waan (tus tseb), yog lub tsev kawm ua Txiv Plig uas zoo nkauj nyob hauv lub Cheeb Koom Txoos tuam ceeb Bangkok, tau ua tswv cuab tsa lub rooj sab laj Asian Continental Assembly hauv hnub tim 24 txog 26 lub 2 hlis tag los. Muaj cov sawv cev tuaj koom sab laj ua ke, yam li cov sawv cev tuaj ntawm 17 lub pwm tsav Tswv Qhia ua cov sawv cev nyob hauv 29 lub teb chaws uas sib koom tsa lub Koom Haum Tswv Qhia nyob As Xias teb. 
Kev sab laj nyob hauv FABC muaj kev sib tuav xam hais txog kev mus ua ke nyob hauv lub pwm tsav Tswv Qhia. Zaum no muaj 6 tug Tswv Qhia Liab, 18 tug Tswv Qhia, 28 tug Txiv Plig, 4 tug Leej Phauj thiab cov neeg ntseeg 19 leeg sib sau ua ke.  
As Xias teb yog xeev ntuj uas loj dua cov thiab muaj neeg coob tshaj plaws. Tsis tas li ntawd tseem muaj ntau txoj kab lis kev cai, muaj ntau xeem lus, muaj ntau haiv neeg thiab muaj ntau txoj kev teev hawm sib txawv, tab sis cov neeg ntseeg muaj tsawg kawg. 
Cov haiv neeg tsawg feem ntau ntawm As Xias teb, lawv ua lub neej nplua nuj nyob hauv lawv tej kab lis kev cai thiab ua kom lub Koom Txoos sov siab. Tab txawm tias txhua txhia qhov chaw kev ntseeg, kev ua kam thiab kev coj tus yeeb yam sib txawv nyob hauv nyias thaj tsam, tsis kav kev sib cuag mus los ntawm tib neeg kuj rub tau kom As Xias teb los sib sau ua ke. 
Qhov muaj nqis ntawm As Xias kev sib raug zoo nrog Tswv Ntuj, yus tus kheej, neeg zej zog thiab lub ntiaj teb, ua kom neeg muaj kev sib koom tes ua ib tse neeg sib koom siab nyob hauv xeev ntuj As Xias.
Txawm muaj kev sib tw, tsis kav kev mus kev ntawm Synodal kuj hais tau tias yog ib lub sij hawm muaj txiaj ntsim thiab kev txhim kho ntawm lub Koom Txoos. 
Tus duab ntawm lub Koom Txoos zoo li lub tsev tsam phooj, qhia kom pom txog qhov chaw nkaum uas tuaj yeem roos tag sawv daws los sib koom nyob hauv Leej Ntuj Plig Ntshiab.
Tsis tas li ntawd, kuj qhia tau tias Tswv Ntuj muaj peev xwm nthuav nws lub tsev tsam phooj los sis lub pheeb suab nyob txhua txhia qhov chaw uas muaj Leej Ntuj Plig Ntshiab txawm. Tsis hais cov chaw muaj kev kub ntxhov, cov chaw nyob tsis thaj yeeb thiab muaj kev txom nyem. Qhov tseem ceeb yog nyob hauv Tswv Ntuj lub tsev pheeb suab muaj chaw txaus rau sawv daws nkaum thiab tsis sib cais, vim yog sawv daws lub tsev. Tswv Ntuj lub tsev tsam phooj yog lub tsev pheeb suab roos tas peb sawv daws  
Cov neeg uas yav tag dhau los xav tias lawv raug tso tseg, zim txwv no pom tias lawv muaj tsev nyob hauv Tswv Ntuj lub tsev pheeb suab, uas yog qhov chaw ntshiab huv thiab nyob nyab xeeb.
Lub tsev tsam phooj tus duab, tseem qhia peb tias Huab Tais Yes Xus rub tsev nyob nruab nrab hauv peb, nrog peb nyob thiab lub tsev tsam phooj kuj yog peb qhov chaw sib ntsib. Lub tsev tsam phooj tam sim no saib zoo li yog ib lub tsev uas yuav rov ciaj ua hluav taws. Kev ua tus tswv thiab kev sib faib nyob hauv kev txais lub Cim Yug ua ke, Synodal ua kom rov nco txog qhov tseem ceeb hauv kev mus kev ntau tuaj. Kom sawv daws sib koom ua ib tug nyob hauv lub Koom Txoos uas zoo txhij zoo txhua.
Cov neeg sib koom mus kev ua ke yuav tau thov Ntuj pab kom lawv txawj xav, txawj nthuav tawm thiab txawj thim xav. 2-3 hnub tom ntej no, cov neeg sib sau sab laj lawv yuav sib faib tej yam lawv tau ntsib nyob hauv zaj Joy, ntawm kev mus ua ke. 
Kev tau txais los ntawm lub qhov txhab thiab kev nqua hu kom txais txoj kev tshiab, lawv tseem muab siab rau nyob hauv txoj kev hnyav siab txog lub qhov txhab nyob As Xias. Kev txiav txim siab, kev ua lub neej Txiv Plig, cov tub ntxhais hluas, cov neeg pluag txom nyem, kev sib cais ntawm cov kev teev hawm thiab cov Txiv Plig. 
Thaj txi Ntuj qhib lub thaj txi Ntuj ntawm Leej Ntuj Plig Ntshiab, Tswv Qhia Kikuchi kuj yuav ua tus coj. Tus Tswv Qhia ntawm Tokyo thiab tus lwm thawj tswj FABC kuj yuav ua tus nthuav ntawv Moo Zoo. 
Qhia cov tuaj sib koom sab laj txog lub ntsiab lus “sib tuav xam thiab txawj cais qhov phem qhov zoo”. Nyob hauv cov ntawv sau kawg, yuav raug faib kom cov neeg tuaj sib sau sab laj tau sau tej yam hais txog lawv txoj kev xav thiab zaj tswv yim. 
Kev cia siab yog kev mus kev ua ke ntawm cov neeg As Xias uas yog xeev ntuj loj dav thiab muaj ntau yam.

Xov xwm tshaj tawm 2
Lub tsev tsam phooj uas muaj chaw seem tas mus li.
Xov xwm tshaj tawm hnub tim 2 lub 4 hlis 2023.
Hauv lub rooj sab laj Tswv Qhia Kikuchi SVD ntawm lub Cheeb Koom Txoos Tokyo thiab tus lwm thawj tswj ntawm FABC tau ua 2 tug coj lub Txoos. Nrog rau Tswv Qhia Carmo da Silva SDB ntawm lub Cheeb Koom Txoos Dili thiab Tswv Qhia Ling ntawm lub Cheeb Koom Txoos Los Tsuas teb kuj tuaj koom thiab. 
Nyob hauv Tswv Qhia Kikuchi cov lus nthuav ntawv Moo Zoo, nws tau piav txog tej yam nws ntsib thiab paub nyob hauv txoj kev tshaj Ntuj Lus nyob As Fiv Kas. Nws piav txog cov teeb meem uas tag kev cia siab thiab tsis muaj neeg quav ntsej txog. Tej yam no yog tej yam ua rau tib neeg tus ntsuj plig piam sij, thiab nws kuj tau txhib sawv daws tias : cov teeb meem ntawm kev cia siab thiab kev nyiam kev hlub, yog zoo lub zog tshwj xeeb ntawm Kas Nas uas tuaj yeem ua kom muaj sia thiab muaj kev sov siab. Txoj kev zoo siab sov siab no kuj tau tsuj xeeb nyob hauv fab ntsuj plig uas yog kev sib koom ua ib tug. 
Lub thaj txi Ntuj no xaus rau qhov foom hmoov zoo rau cov tswm ciab, thiab muab faib rau cov pab neeg ua hauj lwm coj mus tso rau ntawm nyias lub rooj. Cov tswm ciab no taws nyob hauv lub caij muaj rooj sab laj, kom tau ua lub cim txog Tswv Ntuj qhov pom kev uas tau coj sawv daws tuaj sib tham mus raws lub luag hauj lwm kev sab laj ntawm Synod. Tswv Qhia Grech uas yog tus lwm thawj tswj ntawm lub rooj sab laj hais ib co lus rau cov tuaj sib koom sab laj tias : peb sawv daws yog cov tau kawm nyob hauv kev ua Txiv Plig, thiab thov Tswv Ntuj lub dej siab txhawb peb, kom peb muab siab rau txog lub Koom Txoos ntau dua qub. Qhov tseem ceeb tshaj mas yog qhov mloog sawv daws lub suab thiab cov nyob ntsiag to. Tswv Qhia txhib tias : lub tsev teev Ntuj Synodal yog lub tsev teev Ntuj tab tom mloog thiab cov hauj lwm no yuav tiav yog los ntawm kev sib koom tes ntawm Tswv Ntuj cov neeg thiab cov xib hwb. 
Dhau ntawd lawm, nws tseem hais ntxiv tias : kev siv Synodality kom haum, mas tsis ua rau cov neeg ntseeg thiab cov xib hwb muaj kev sib tw, tab sis yuav ua rau muaj kev sib fim ruaj khov. Ua rau ob pab neeg tuaj yeem ua hauj lwm tau thiab paub tu thiab saib xyuas txog lawv txoj hauj lwm yam puv npo.
Tswv Qhia Grech hais ntxiv tias : kev tuav xam hauv txhua pab neeg ntseeg, ua kom Tswv Ntuj cov neeg ua tau hauj lwm ntxiv mus. Qhov yog ntawm kev sib koom tshaj Tswv Ntuj cov Lus, Tswv Qhia tau hais txog qhov tseem ceeb ntawm kev mloog. Yog mloog Leej Ntuj Plig Ntshiab hais rau cov ntseeg thiab Synodal Church. 
Txhob thaub qab thiab tsim nyog nyob raws qhov tseeb. Tswv Qhia Grech caw Los tus uas sawv ntawm cov tub tuag los tus ntsuj plig ua tus coj cov tuaj sib koom lub siab thiab thov kom lawv muaj peev xwm mus raws Synodal txoj kev, uas yog txoj kev Tswv Ntuj tab tom qhib rau lub Koom Txoos. 
Tus pog Christina Kheng ntawm cov kav xwm tswj txoj cai hauv lub rooj sab laj tau muab ib co lus hais txog kev mus ua ke ntawm lub rooj sab laj txog tam sim no. Nws hais tias txhua tus uas tuaj sib koom sab laj yog tus muaj kev koom tes, tsis yog tus sawv nyob ntawm ib sab. Nws hais ntxiv txog lub rooj sab laj tias : kev sib tuav xam tsis yog ua kom muaj ntaub ntawv xwb, tab sis yuav txhab txoj kev npau suav, cov lus txhais thiab tej yam zais ntshis. Kev cia siab loj hlob, txhab lub dej siab thiab sib ntseeg siab. Sawv daws yuav xyaum kom paub ib qho uas txhawb nqa lub meej mom thiab lub siab dawb huv. Kev sov siab yog dej siab txhawb nqa nyob hauv peb txhais tes. Nyob hauv 32 cov ntaub ntawv npaj hauj lwm, nws tseem hais meej tias cov neeg tuaj sib sau tsis yog yuav ua kom muaj ntaub ntawv xwb, tab sis yog tuaj sib ntsib kiag. 
Kev sib tham tsim kev sib raug zoo loj hlob ua ib co neeg ntse thiab muaj kev paub txog kev mus ua ke hauv Leej Ntuj Plig Ntshiab, uas yog Tswv Ntuj cov neeg nyob As Xias. The Synod yog cov hauj lwm yog cov hauj lwm rov ua tib zoo xav. 
Cov sawv cev tau txais kev taw qhia kom paub txog Leej Ntuj Plig Ntshiab, qhov no yog Txiv Plig Anthony tus saib xyuas kev tshaj Ntuj Lus nyob Kis Zis Taas teb ua tus hais. Txiv Plig Anthony pab kom cov sawv cev to taub txog kev mus ua ke uas muaj Leej Ntuj Plig Ntshiab ua tus coj. Kev tuag muaj kev sawv rov los thiab yog kev tso tseg. 
Raws li kev ruaj khov thiab kev sab laj, mas ua kom tus kheej ntsib pom lub neej tshiab uas yog muaj Leej Ntuj Plig Ntshiab ua tus coj. Dab tsi yog qhov tseeb ntawm ntuj lub Ceeb Tsheej thiab dab tsi yog ua teeb meem rau Tswv Ntuj cov hauj lwm. 
Txiv Plig Anthony yog tus taw qhia ntawm kev sib tham hnub no, hos Txiv Plig Clarence yog tus teeb cov hauj lwm ntawm lub rooj sab laj thiab kev mus kev uas yog FABC Synod Task Force ua tus tsim tawm, Draft Framework hauv Tswv Ntuj nthuav tawm. Txiv Plig Clarence hais tias : Draft Framework yog txoj hauj lwm ua pab cov neeg tuaj koom sab laj rov mus tsev nyob hauv txoj kev thov Ntuj, kom txawj xaiv txawj hais lus. Txiv Plig Clarence hais txog 5 fab ntawm sob lus uas tau sau tias : lub suab ncha nyob As Xias, kev chawj chim nyob As Xias, qhov tseeb hauv As Xias thiab kev sib txawv, qhov khoob ntshuv tos kev pab ntawm As Xias thiab teeb qhov tseem ceeb uas muaj nyob As Xias. Txiv Plig Clarene hais tias Draft Framework muaj kom tau txhib ib tsoom neeg kom qhov kawg lawv ua tus sawv cev tiag tiag  ntawm kev npau suav, kev cia siab. Synod thiab Synodal yog hais txog cov Tswv Qhia lub rooj sab laj cov hauj lwm thiab txoj cai. 
Cov txheej txheem ntawm kev txiav txim siab kom qhov kawg tshwm sim ua tus sawv cev tiag tiag ntawm txoj kev npau suav uas yog kev cia siab. 
Kev mob siab uas mob tshwm sim hauv As Xias Faclitors hnub ntawd, yog Tswv Qhia Stephen Chow SJ uas yog tus Tswv Qhia ntawm Hong Kong, Susan Pascoe uas yog tus tub koom tes ntawm Synod Task Force.
Hais txog Continental Stage thiab Joy Candelario uas yog cov neeg mus koom lub tooj sab laj Asean Continental Assembly, thiab lub rooj sab laj Tswv Qhia Kav Tos Liv nyob Fis Lis Pees. Tau caw cov sawv cev kom nyias thov nyias ntuj pab 3 nqe lus nug. Lawv txoj kev paub txog Synodal yog zoo li cas. Lawv pom dab tsi yog lawv txoj hauj lwm nyob hauv kev sab laj zaum no. Lawv xav li cas txog pab pawg ntawm kev sib tham fab ntsuj plig. Tom qab noj sus tag, cov sawv cev tau sib ntsib sib tham thiab hais txog tej yam ua xyem xyav txog thawj qhov ntawm Draft Framework.

Xov xwm tshaj tawm 3
Kev sib tham ntawm fab ntsuj plig, nyob hauv hnub 2 ntawm kev sib sau sab laj hauv xeev ntuj As Xias. 
Lub pwm tsav sib sau sab laj pib thov Ntuj, thov kom Leej Ntuj Plig Ntshiab ua tus coj kev thiab nqes los nyob hauv cov sawv cev txoj kev mus ua ke ntawm Synodal, kom yog lub suab ntawm As Xias. Kev thov Ntuj ntawm lub pwm tsav Tswv Qhia muaj keev kwm los ntev lawm. Thawj lo lus nyob hauv ntawv Latin txhais tias : 
“Peb sawv nyob ntawm Leej Ntuj Plig Ntshiab hauv ntej”. 
Lo lus no raug txhais ua ntau xeem lus nyob hauv ntau lub Cheeb Koom Txoos thiab ntau lub tsev teev Ntuj. 
Lub rooj pwm tsav kev sab laj hais tias : lub rooj sab laj yog lub txiv ntawm kev sab laj rau cov tub ntxhais hluas. Yog tias peb ntseeg tias : lub pwm tsav kev sab laj yog txoj kev ntawm lub Koom Txoos uas mus raws Tswv Ntuj lub hom phiaj, mas tsim nyog yuav txawj xaiv thiab txawj mloog Leej Ntuj Plig Ntshiab lub suab ua ke, raws li Vaj Qhia tau hais tseg. Peb ntseeg tias peb yuav tau txais lub txiaj ntsim kom tos txais Tswv Ntuj lub suab hu nyob hauv Synodal Church. Nathalie hais ntxiv tias Synodality yog paj tshab thiab yog kev ntse, yog lub plawv ntawm kev ua lub pwm tsav. Nws ua kom nco txog daim duab nyob hauv Ntawv Ntshiab uas yog txoj kev mus cuag Is Mas Nus Es. Muab hais los mas yog txoj kev mus kev ntawm lub pwm tsav raws li Synodal ntawm Yes Xus. 
Yog qhov sawv daws raug hu kom xyaum ua raws. Ob peb hnub dhau los no, cov sawv cev raug caw kom mus kev hla lub pwm tsav uas yog siv 3 yam. 
Thawj yam, yog yam uas hu ua kev sib tham fab ntsuj plig. Yog kev nqis tes ua, yog lub sij hawm uas cov sawv cev txhua pab pawg hais lus 2 fiab txog tej yam uas lawv paub nyob hauv Synodal, thiab nyob ntsiag to tsis hais lus 2 fiab kom tau sib faib. 
Yam ob, tseg chaw rau lwm tus. Yog lub caij uas txhua tus tau hais lus 2 fiab txog tej yam uas nws tau hnov los ntawm lwm tus neeg. Thiab nyob twj ywm 2 fiab ntsiag to tsis hais lus, kom tau xav tswv yim nyob hauv nruab siab.
Yam peb, kev tsim ua ke. Yog lub sij hawm uas sib teb kom tau qhov tseeb ntawm kev sib tham. Lwm lo lus nug, tej lus sib dhos thiab cov tshaj lub Moo Zoo lub suab. 
Qhov no tseg chaw cia rau lub sij hawm cav txiaj ntsim, ua kom cov pab pawg tau nug ib lo lus. Leej Ntuj Plig Ntshiab coj peb mus qhov twg ? 
Ces cov pab pawg tau xav tswv yim thiab thov Ntuj nyob hauv cov lo lus nug no. 
Puas muaj kev txhawj xeeb los yog teeb meem dab tsi, uas tsis tau hais txog nyob hauv daim ntawv dawb uas tsis tau sau. Yog qhov tseeb thiab muaj kev paub txog, los qhov txhawj xeeb ntawm cov neeg As Xias uas sib koom thiab daws kho. 
Hnub ob thaum yav sawv ntxov, txhua pab pawg tau nthuav thiab xav tswv yim txog 5 feem loj, uas muab xam tias yog qhov tseem ceeb tshaj nyob xeev ntuj As Xias, thiab tsim nyog yuav muab hais rau nyob Synodal lub rooj sab laj hauv lub 10 hli. 
Tus coj cov hauj lwm thiab tus pab cov hauj lwm hnub ntawd yog Tswv Qhia Yos Xes Anil thiab Tswv Qhia Tos Mas Couto nyob Des Lis, Is Ntias teb. 
Tus pog Christina Kheng uas yog ib tug hauv cov kav xwm txoj cai Synod, thiab tus pog Momoko Nishimura uas nws yog ib tug tub koom tes ntawm FABC Synodal Task Force ua tus saib cov hauj lwm. 
Ceeb toom kom cov sawv cev lees txais tej yam lawv hais, vim lub suab ntawm As Xias tsis yog lawv ntiag tug, nws yog peev xwm ntawm tej tus neeg. Kev sab laj yav sawv ntxov xaus ua ntej txog lub sij hawm txais Cim thiab thov Ntuj.
Yog lub zog txhawb nqa kev mus kev ntawm lub pwm tsav zaum no. Hnub 3 ntawm kev sab laj tau caw txhua pab pawg nrog tshawb xyuas cov txheej txheem ntawm lub pwm tsav tej ntaub ntawv ua hauj lwm kom dav. Cov kab ke xaus hnub 3, yog tsuj xeem lub Cim Yug thiab ua thaj txi Ntuj rau As Xias. Tswv Qhia Yos Xes Anil yog tus coj lub Txoos. Cov sawv cev nthuav txog cov lus nyob hauv Ntawv Ntshiab : “Thaum nws hais lus rau wb tom kev, mas wb lub siab kub lug hauv nrog cev, puas yog ?”
(LK 24 : 32)

/0Xov xwm tshaj tawm 4 
Kev sib koom ua ke yog ib qho nyob hauv Symphony, txhua tus neeg puav leej muaj lub suab.
Xov xwm tshaj tawm hnub 3 thiab yog hnub kawg ntawm kev sab laj hais txog As Xias Synodality, kuj ua xws li thawj 2 hnub ua ntej. Pib thov Leej Ntuj Plig Ntshiab, thiab tus coj cov hauj lwm hnub ntawd yog Tswv Qhia Pablo David, uas yog tus Tswv Qhia nyob Kalookan. Tus thawj tswj kev sab laj cov Tswv Qhia Kav Tos Liv nyob Fis Lis Pees, tus pog Tes Les Xas Vus ntawm kev sab laj cov Tswv Qhia Suav, thiab tus pog Eestela Padilla, tus lwm tswj ntawm FABC thiab cov tub koom tes hauv FABC.
Cov lus sib tham nyob hauv hnub 2, tseem nrov nyob hauv nruab siab thiab nyob hauv lawv lub tswv yim. Tswv Qhia Hollerich uas tuaj ntawm Luxembourg tuaj, thiab cov sawv cev hauv lub rooj sab laj loj zaum tim 16, tau hais txog cov tuaj koom sab laj nyob hauv 3 nqe lus thiab siv twj paj nruag los ua piv txwv.
Tswv Qhia Hollerich piav tias cov sawv cev txhua tus yog twj paj nruag thiab tsim nyog yuav sib koom ua ke kom tsim tau lub suab Symphony, thiab ua ntau ntau lwm, muaj qab muaj quag thiaj sib xyaws tau. 
Txhua yam twj paj nruag ntshai tsam yuav rais ua suab phem, thiab yam ob Tswv Qhia Hollerich hais tias kev koom ua lub pwm tsav yuav tsum hais lus mos lus muag thiab ua neeg me. Tsuas muaj tib txog kev ua neeg me xwb, uas yuav pab kom sawv daws ua hauj lwm thiab mus ua ke tau nyob hauv cov hauj lwm no.
Qhov kawg no, Tswv Qhia Hollerich hais ntxiv tias : Synodal yog lub tsev teev Ntuj uas tau txais Tswv Ntuj txoj hauj lwm los tshaj lub Moo zoo thiab ua hauj lwm rau Tswv Ntuj cov neeg yam tsis saib nws tus kheej loj dua. 
Txiv Plig Clarence uas yog ib tug tub koom tes ntawm fab ntsuj plig thiab lub cev, tau hais txog qee yam tseem ceeb ntawm kev daws kho txuas ntxiv. Qhia txog lub ntsiab ntawm daim ntawv kawg nrog rau cov txheej txheem kev sib koom ua ke. Kev daws kho uas cov sawv cev tau txais kom rov xav txog nyob hauv kev nyob ntsiag to, kev npaj sib tham fab ntsuj plig hauv pab pawg.    
Yav hnub qaij, cov sawv cev nthuav txog 2 lo lus nug : lub Koom Txoos tus qauv yuav tsum tau hloov los sis txhim kho kom lub Koom Txoos nyob As Xias sib luag ?
Yam uas cov sawv cev xav pom kom tshwm sim rau kev sab laj hauv lub 10 hli 2023, thiab lub 10 hli 2024 ntawm Synod nyob hauv Synodality tus uas tau txais lub luag hauj lwm. Sib faib tswv yim ntawm lawv hais txog qhov kawg ntawm Final Document, ua ke ntawd kuj thov Ntuj luv luv thiab nyob ntsiag to.   
Cov lus xaus Tswv Qhia Grech uas yog tus thawj tswj Synod cov Tswv Qhia, tau tawm tswv yim txog kev sab laj ntawm As Xias teb 3 hnub. Nws lees thiab hais rau cov sawv cev tias : kev mus kev ntawm lawv nyob hauv Synod yuav tsum tsheej xeeb thiab lawv txoj kev sib koom lub Koom Txoos yuav tsis hnov qab. 
Tswv Qhia Kikuchi tus lwm thawj tswj FABC hais ib co lus ua tsaug zaum kawg. Sau cim thiab ua ntaub ntawv ua tsaug rau cov neeg koom nrog rau kev lees paub tias Asean Synod cov hauj lwm tiav lawm. Qhov kawg mas yog txais lub Cim Yug, muaj Tswv Qhia Bo ntawm Yaas Nkoos thiab tus thawj tswj FABC, Tswv Qhia Francis Xavier Kriengsak uas yog tus Tswv Qhia nyob Bangkok, Tswv Qhia Ernakulam-Angamaly thiab Tswv Qhia Lee Yong-Hoon ntawm lub nroog Suwon, Kos Lim Naj teb sawv daws sib koom. Tswv Qhia Bo hais tias : kev mus kev ntawm Synod ntawd muaj ntsis zoo li kev mus kev ntawm Yes Xus hauv teb chaws suab puam, tab sis nws txaus ntshai heev, tsis kav yuav ua rau lub Koom Txoos ua tim khawv txog Ntawv Ntshiab zoo dua qub, nyob hauv kev mloog, kev sib ntsib tim ntej tim muag thiab kev txawj cais qhov phem qhov zoo. Tswv Qhia Bo hais tias tsim nyog yuav hloov kev xav hauv peb txoj kev uas peb ntsib thiab txaus ntshai. 
Nws hais tias lo lus L.E.N.T yog lo lus yooj yim luv luv hais txog qhov no. Kev hloov lub tswv yim kev xav Letting Go, yog tias kev mus ua ke muaj txiaj ntsim qab hau, mas peb yuav xyaum tso txhua yam tav peb kev pov tseg, vim peb yog lub pwm tsav ntawm lub Koom Txoos. Kev tso tseg yog qhov xub teeb tseg ntawm kev loj hlob. 
E = Kev sib ntsib tim ntsej tim muag, kev mus ua ke hauv txoj kev ua thwj tim muaj lub hom phiaj kom tau sib ntsib. Vaj Qhia hu txoj kev sib ntsib no ua ‘kev cai sib ntsib tim ntsej tim muag’. 
Thov caw sib koom ua ke yooj yooj yim xws li Yes Xus tau ua. Tsis yog pom xwb, tab sis ntsia ntsoov. Tsis yog qhov yus tau hnov xwb, nws yog qhov yus mloog. Tsis yog neeg dhau mus los xwb, tab sis yog nres nrog lawv nyob. Tsis yog hais tias txaj muag thiab neeg pluag, tab sis tso cai rau tus kheej kom txav mus nrog kev khuv leej.
N = Kev sib ze, yog hais txog zaj tus Xas Mas Lias siab zoo. 
Yog thawj lo lus nug tias : ‘Tus txheeb ze kuv yog leej twg ?’ 
Qhov kawg tus txheeb ze yog tus neeg txawj khuv leej. (LK 10 : 29)
Nyob As Xias, peb yog cov haiv neeg tsawg thiab peb nyob hauv nruab nrab kev coj nruj nruj hauv tej pab neeg, kev tseev tsim thiab kev teev hawm. Tab txawm nruj li ntawd, tsis kav peb kuj yuav pab peb cov kwv tij uas lawv xav tau kev pab. 
T = Kev pauv ntxeev, Tswv Qhia Bo nco txog ib lo lus nyob hauv phau ntawv Nkauj Paj Nruag tias : ‘Tswv Ntuj, thov koj tso koj Leej Ntuj Plig Ntshiab tawm tuaj, thiab hloov lub ntiaj teb’ hauv kev mus ua ke ntawm cov Tswv Qhia. Nws hais tias peb raug hu kom tau hnov yam uas Leej Ntuj Plig Ntshiab tab tom qhia rau peb. Li ntawd, yog tias peb mus ua ke kom tau txhawb nqa lub Koom Txoos, peb xav tau lub zog ntawm kev hloov nyob hauv Leej Ntuj Plig Ntshiab. Yog peb mus ib leeg, mas peb yuav ua tsis tau dab tsi tiav li. Peb xav tau txiaj ntsim kev hloov ntawm Tswv Ntuj tas mus li, nyob hauv peb txoj kev mus ua ke hauv cov Tswv Qhia, kom tau ua hauj lwm rau Tswv Ntuj.
Qhov kawg ntawm kev faib lub Cim Yug, cov sawv cev 12 leeg hauv cov pab pawg ntawm lub pwm tsav sawv nyob ntawm cov tuaj sib koom hauv ntej. Thawj tug tswm ciab lawv txais lub Cim Yug, cov tuav paj ntoos, yog ua lub cim ntawm kev sib teb thiab sau cim txog cov hauj lwm nyob hauv 3 hnub no.