Cov Txiv Plig Kav Tos Liv hais tias kev ywj pheej ntawm kev txav mus los hauv Myanmar teb raug txwv.

Cov Txiv Plig Kav Tos Liv nyob Myanmar teb hais tias : kev ywj pheej ntawm kev txav mus los hauv lub teb chaws raug txwv txij hnub ua cov tub rog txeeb kav teb chaws xyoo 2021. Txiv Plig Raymond Kyaw Aung hais tias : cov neeg nyob Myanmar teb tsis tuaj yeem tawm mus txawv teb chaws tau, yog tias leej twg tsis muaj daim ntawv nce npe, ces qhov no thiaj yog kev txwv cov neeg txoj kev mus los. 

Nws hais tias cov neeg ncig tsham teb chaws txhua tus yuav tsum nqa nws daim ntawv taub hau nrog nraim. Tsis tas li ntawd nyob hauv cov kev tsheb hauv cov nroog muaj cov tub rog soj ntsum raws tej qhov chaw uas lawv tav kev, thiab tus tsav tsheb yuav tsum qhia nws lub npe, tus zauv taub hau neeg, chaw nyob thiab zauv xov tooj rau cov tub rog huv si. 

Thaum yus mus tsham phooj ywg nyob hauv zej zog los sis hauv nroog, mas yus yuav tau sau npe, sau tus zauv taub hau neeg thiab qhia chaw nyob rau cov nom huv si.

Txiv Plig hais tias : muaj ib zaug nws mus koom ntees tuag nyob hauv zej zog, mas nws raug nthuav tawm nws tus kheej tag nrho thiab nws cov phooj ywg huv si. Yuav tsum qhia txog lub hom phiaj uas lawv mus hauv zej zog yog dab tsi rau cov tub rog. Nyob ntawm kev tsheb mas muaj tej toob xib txawb tav kev, kom tau soj ntsuam cov tsheb mus los, thiab tom qab cov tub rog tsis zov lawm, mas mam muab tshem tawm mus. Ua rau kev mus los nyob hauv lub teb chaws tsis yooj yim, vim cov tub rog ua nruj. Radio Free Asia hais tias : tom qab cov tub rog tua phom loj thiab muas txwv ya mus ntau ntau rau cov zos uas nyob ntawm tus niam dej Sitaung sab hnub tuaj, nyob hauv lub nroog Shwegyin, mas tib neeg khiav tas tsis muaj ib tug neeg nyob li lawm. 

Xov xwm tshaj tias : tam sim no muaj 200 tus neeg khiav ua thoj nam mus rau hauv cov tsev teev hawm nyob Mias Mas teb, thiab lawv tau cov nyiaj luag nqa tuaj pab tsev teev hawm coj mus yuav noj nyob hauv txhua hnub xwb.