Tswv Qhia Gomez coj pawg ntseeg nquam lub Cim Yug 6 miles kev hauv lub nroog Los Angeles

Tswv Qhia Gomez uas nyob Los Angeles coj cov neeg ntseeg nquam lub Cim Yug taug kev hla lub nroog li 6 miles. Yog ib feem txhawb nqa lub Cim Yug hauv lub teb chaws, yog ib lub tswv yim uas cov Tswv Qhia As Mes Lis Kas xav los tau 3 xyoos lawm. Kom tau txhawb nqa cov Kav Tos Liv txoj kev ntseeg uas muaj rau Tswv Ntuj nyob hauv lub Cim Yug uas yog lub Cim Ntshiab.

Cov neeg ntseeg nquam lub Cim Yug tawm ntawm lub tsev teev Ntuj nyob hauv Los Angeles mus raws kev tsheb li 3 miles kev mus rau lwm lub tsev teev Ntuj thiab rov qab los. Lub thaj txi Ntuj yog pib thaum 8.30 sawv ntxov nyob hauv Mission San Gabriel uas yog ib lub tsev teev Ntuj qub qub. Yog thaj txi Ntuj thawj zaug nyob hauv 2 xyoos ntau, vim lub tsev teev Ntuj raug tub sab nyiag hlawv hauv nrab xyoo 2020. 

Kab ke nquam lub Cim Yug yog tom qab ua thaj txi Ntuj tag, ces cov neeg ntseeg pib nquam lub Cim Yug tawm ntawm lub tsev teev Ntuj mus rau lwm lub tsev teev Ntuj uas nyob nrug deb 3 miles kev. Muab xam los mas cov neeg ntseeg nquam lub Cim Yug mus los li ntawm 6 miles kev ntau.

Kev nquam lub Cim Yug yog ib txoj kev hwm Tswv Ntuj thiab qhia tias Huab Tais Yes Xus nyob hauv lub Cim Yug tiag. Tus Txiv Plig nqa lub ntim rau Cim Yug, ib tug tuav tus Ntoo Cuam ua ntej thiab nyob ob sab muaj ob tug neeg nqa tswm ciab. Nquam lub Cim Yug mus tso rau hauv lub tsev tsam phooj me me, uas qhia tias tsev tsam phooj ntawm kev nyob. Cov neeg His Xas nyob ntawv Cog Lus Qub, mas yog lawv cov ncuav mov qhov chaw nyob. Zoo ib yam li yog lub Cim Yug thiab ua lub cim qhia meej meej txog kev nquam lub Cim Yug.