Zaj nyeem hnub tim 18 lub 4 hlis 2023 (Daily reflection)

ZAJ NYEEM HNUB TIM 18 LUB 4 HLIS, HNUB PEB LUB LIS PIAM 2 CAIJ HLA
COV LUS NYOB HAUV ZAM NTAWV MOO ZOO (Z 3: 7-15)

Kwv tij Hmoob, nyob hauv lub Moo Zoo mas peb pom tias Nis Kos Des Mos yog cov His Xas Lai sib tug xib hwb, nws ntseeg txog Yes Xus, tab sis nws tsis to taub Huab Tais Yes Xus cov lus, nws thiaj tuaj nrog Yes Xus sib hloov tswv yim. Nis Kos Des Mos lees tias nws tsis muaj kev paub txaus, ces nws thiaj nug kom nws to taub zoo.
Nyob hauv peb mas peb yuav ua zoo li ntawd. Peb yuav tau nrhiav kev kawm txog peb txoj kev ntseeg kom peb thiaj yuav to taub txog Huab Tais Yes Xus cov lus zoo, mas peb thiaj tsis yuam kev.
Peb yuav qhib siab cia Huab Tais Yes Xus cov lus los nyob hauv peb, yug peb lub tswv yim mas peb thiaj yuav txawj xav txog tej yam zoo thiab nqes tes ua tej yam raws li Huab Tais Yes Xus qhia rau peb mog. 
Nyob zoo sawv daws.