Zaj nyeem hnub tim 22 lub 4 hlis 2023 (Daily reflection)

ZAJ NYEEM HNUB TIM 22 LUB 4 HLIS, HNUB XYA LUB LIS PIAM 2 CAIJ HLA
COV LUS NYOB HAUV ZAM NTAWV MOO ZOO (Z 6: 16-21)

Kwv tij Hmoob sawv daws, peb lub neej nyob ntiaj teb no zoo xws li lub nkoj nyob hauv dej ntuj. Ntau zaus raug tej nthwv cua ntsawj tom ntej tuaj, los yog raug npuj tom yav qab, muaj ntau zaus peb ntsib nag xob poob saum ntuj los, los raug cov dej nyab ua rau lub nkoj yuav tog tsis tog. 
Yog nkuam nkoj nyob hauv qhov tsaus ntuj, peb ntsia tsis pom tim ntug, ces peb ntshai thiab ceeb laj, tab sis thaum peb nkuam nkoj hauv qhov pom kev, mas txawm muaj xwv txheej los peb lub siab loj, peb muaj zog nkuam kom lub nkoj mus txog chaw sai.
Peb paub tias Huab Tais Yes Xus yog qhov pom kev kaj lub ntiaj teb, li ntawd yog thaum peb lub neej poob rau qhov tsaus, peb ntsib teeb meem raug xwv txheej, mas peb yuav tau hu txog Huab Tais Yes Xus kom tuaj nyob hauv peb ua peb luag xws li cov thwj tim pom Huab Tais Yes Xus, ces lawv tos Huab Tais Yes Xus nce los saum lub nkoj.
Kwv tij, peb txhob ntshai hais rau Huab Tais Yes Xus tias “Huab Tais, koj pab kuv thiab.”
Nyob zoo sawv daws.