Zaj nyeem hnub tim 1 lub 5 hlis 2023 (Daily reflection)

ZAJ NYEEM HNUB TIM 1 LUB 5 HLIS, HNUB UA HMOOV LEEJ NTSHIAB YOS XES TUS POV HWM COV NEEG UA HAUJ LWM

COV LUS NYOB HAUV MAS TAIS NTAWV MOO ZOO (MT 13: 54-58)

Kwv tij, hnub no yog hnub nco txog cov neeg ua hauj lwm thoob ntiaj teb, yog li lub Koom Txoos thiaj tau xaiv ib tug Leej Ntshiab los pov hwm cov neeg ua hauj lwm nrhiav noj thawm hnub thawm hli, tus Leej Ntshiab ntawd yog ib tug kws ntoo nyob hauv lub zos Nas Xas Les, nws lub npe yog ‘Yos Xes’, nws kuj yog Huab Tais Yes Xus txiv thiab.

Nyob hauv xyoo 1955, Vaj Qhia Pis Us tim 12 tau xaiv Leej Ntshiab Yos Xes tus kws ntoo los ua tus Leej Ntshiab pov hwm cov neeg ua hauj lwm.

Leej Ntshiab Yos Xes yog tus piv txwv zoo rau cov neeg ua hauj lwm sawv daws yoog, vim tias nws yog neeg tsis muab hlob, nws ua tus tsom kwm tus me nyuam Yes Xus, nws yog tus kws ntoo maj mam txaug thiab tsa nws tus me nyuam kom loj hlob nyob hauv kev thoob tsib thiab Tswv Ntuj lub txiaj ntsim.

Yog li mas hnub no, peb sawv daws thiaj yuav mus koom lub txoos ua hmoov cav txog Leej Ntshiab Yos Xes ua ke.

Nyob zoo sawv daws.