Zaj nyeem hnub tim 2 lub 5 hlis 2023 (Daily reflection)

ZAJ NYEEM HNUB TIM 2 LUB 5 HLIS, NCO TXOG LEEJ NTSHIAB TSWV QHIA AS THAS NAS

COV LUS NYOB HAUV ZAM NTAWV MOO ZOO (Z 10: 22-30)

Cov kwv tij, Huab Tais Yes Xus hais tias ‘Kuv cov yaj mloog kuv lub suab, lawv raws nraim kuv. Kuv pub txoj sia nyob mus li rau lawv, lawv yuav tsis tuag ib zaug li.’

Leej twg thiaj yog Huab Tais Yes Xus cov yaj? Kawg yog tsoom neeg ntseeg txog nws, los peb hais tias ‘Cov Pleev’ los ‘Chistianity’ raws li cov neeg hauv As Nthias Kias tau hu.

Cov Pleev los cov neeg ntseeg txog Yes Xus tsis yog ib tsav los ib haiv neeg hais lus zoo xws tib yam, koom tib lub keeb, los yog nyob ua ib lub teb chaws. Tab sis cov neeg ntseeg txog Yes Xus, mas lawv yog cov neeg txais lub Cim Ntxuav, coj tus yam ntxwv xws li Huab Tais Yes Xus thiab raws nraim Huab Tais Yes Xus qab xws li cov yaj raws nraim tus tswv zov yaj.

Yog li mas kwv tij Hmoob sawv daws, peb cov tau lub npe tias ‘Cov Pleev’ los yog ‘cov neeg ntseeg txog Yes Xus’, mas peb yuav ua neej nyob hauv kev sis nyiam sis hlub, kev sib hwm, peb yuav ua neej nyob yam kaj siab lug thiab peb yuav tsim kev thaj yeeb nyab xeeb rau peb thiab lwm tus. 

Nyob zoo sawv daws.