Hnub Chiv Tim 14 Lub 5 Hlis 2023 (Sunday Homily)

Hnub Chiv Tim 14 Lub 5 Hlis Ntuj 2023
Lub lis piam 6 hauv lub Caij Hla
Zam 14:15-21

(Yes xus tau nrog nws cov thwj tim noj nws pluas mov kawg, ces Yes Xus hais rau nws cov thwj tim tias :) "Yog nej nyiam kuv, nej yuav coj kuv cov lus qhia. Ces kuv yuav thov Leej Txiv. 
Leej Txiv yuav xa dua lwm tus nplij rau nej, kom nrog nej nyob mus li. Tus nplij ntawd yog Leej Tswv Yim, tus qhia txoj kev tseem ceeb uas lub sim ceeb txais tsis tau, vim lub sim ceeb tsis pom nws thiab tsis paub nws. Ntawm nej, mas nej paub Leej Tswv Yim, vim nws nrog nej nyob, nws nyob hauv nej. Kuv yuav tsis tso nej ua ntsuag. 
Kuv yuav rov qab los cuag nej. Tshuav tsis ntev, lub sim ceeb yuav tsis pom kuv. Tiam sis nej yuav pom kuv, vim kuv muaj txoj sia thiab nej muaj txoj sia. Hnub ntawd, nej yuav to taub tias kuv nyob hauv kuv Txiv, thiab nej nyob hauv kuv, thiab kuv nyob hauv nej. Tus muaj kuv cov lus qhia, thiab nws coj kuv cov lus qhia, tus ntawd thiaj yog tus nyiam kuv. Tus nyiam kuv, mas kuv Txiv kuj nyiam nws, kuv kuj yuav nyiam nws, kuv yuav muab kuv rau nws pom xyeem.