Zaj nyeem hnub tim 8 lub 6 hlis 2023 (Daily reflection)

ZAJ NYEEM HNUB TIM 8 LUB 6 HLIS, HNUB TSIB LUB LIS PIAM 9 CAIJ NYOB NRUAB XYOO
COV LUS NYOB HAUV MAS KOS NTAWV MOO ZOO (MK 12: 28-34)

Cov kwv tij, tus Kws Ntawv Ntshiab nug Huab Tais Yes Xus tias “Xib Hwb, nyob hauv Tswv Ntuj cov lus qhia, lo lus qhia twg yog thawj lo lus qhia?” Ces Huab Tais Yes Xus thaij teb nws tias “Thawj lo lus qhia yog lo lus tias ‘Koj yuav nyiam koj tus Huab Tais Tswv Ntuj tas siab tas ntsws, tas koj tus ntsuj plig, tas koj lub tswv yim, tas koj lub zog.” 
Huab Tais Yes Xus hais ntxiv tias “Lo lus qhia ob yog lo lus no ‘Koj yuav nyiam tus nyob ze koj li koj nyiam koj.”
Kwv tij, Huab Tais Yes Xus hais meej kawg tias 2 lo lus loj tshaj yog ‘nyiam Tswv Ntuj’ thiab ‘nyiam neeg’. Yog li peb txhob tsis txhob ‘nyiam Tswv Ntuj’ xwb tsis ‘nyiam neeg’, los yog ‘nyiam neeg’ xwb tsis ‘nyiam Tswv Ntuj’. Peb tsum ‘nyiam Tswv Ntuj’ thiab ‘nyiam neeg’ mas thiaj yog.
Tej zaus nej yuav hais tias ‘nyiam Tswv Ntuj mas peb yeej nyiam tiag, tab sis peb yuav ua cas nyiam lwm tus li peb nyiam peb tau li cas?’
Kwv tij, yog peb hais li no mas txhais tias peb tsis nyiam Tswv Ntuj tiag, vim Huab Tais Yes Xus twb qhia peb tias Tswv Ntuj nyob hauv tib neeg. Yog li peb kawg nyiam cov neeg nyob ib puag ncig peb xwb, peb thiaj yog nyiam tau Tswv Ntuj.
Cov kwv tij, peb yuav kawg ntawm Huab Tais Yes Xus, mas peb thiaj yuav txawj nyiam Tswv Ntuj thiab nyiam neeg tau tiag. 
Nyob zoo sawv daws.