Cov lus ntawm lub neej, hauv lub 6 hlis 2023

Cov lus hauv lub neej, lub 6 hli 2023.

“Qhov kawg no, thov kom nej nyob kaj siab lug. Tswv Ntuj txoj kev nyiam thiab kev thaj yeeb yuav nrog nej nyob”. Paj Lug tau nrog cov neeg ntseeg nyob hauv lub nroog Kos Lis Nthos thiab nws muab siab rau saib xyuas cov neeg ntseeg, nws mus saib lawv thiab txhawb lawv lub zog thaum lawv ntsib kev nyuaj siab. 
Txawm li cas kuj xij, peb yuav tsum tiv thaiv peb ntawm kev raug luag hiam. Paj Lug tsis tau txais nqi zog dab tsi txog nws txoj kev tshaj Ntuj Lus, nws tsis yog ib tug neeg txawj ntse thiab txawj hais lus, nws tsis tau txais ib daim ntawv pov thawj zeem tseeb txog nws. Nws hais tias nws nkag siab thiab ua lub neej raws nws lub zog, ua tus yam ntxwv raws li Yes Xus. Raws li Paj Lug tsab ntawv kawg, Paj Lug cev ib co lus thov zam txim raws li nws txoj kev cia siab thiab cov neeg Kos Lis Nthos txoj kev cia siab.
“Qhov kawg, Paj Lug thiaj hais tias : nej nyob kaj siab lug mog ! Tswv Ntuj txoj kev nyiam thiab kev thaj yeeb yuav nrog nej nyob”.
Paj Lug qhia txog tus yam ntxwv ntawm kev coj lub neej kom haum Yes Xus lub Moo Zoo, nws maj mam qhia thiab sau sawv daws los nyob hauv Tswv Ntuj lub hom phiaj, yam li sawv daws yog kwv yog tij. Thiab ua kom Tswv Ntuj txoj kev nyiam kev hlub ri mus txog sawv daws. Vim kev nyiam kev hlub yog lub cim ntawm kev sib txeeb. 
Paj Lug thiaj qhia kom peb sib txhawb nqa thiab sib nyiam sib hlub nyob hauv kev cog lus no. 
“Qhov kawg no, thov kom nej nyob kaj siab lug ! Tswv Ntuj txoj kev nyiam thiab kev thaj yeeb yuav nrog nej nyob”. 
Lo lus no yog ib lo lus qhia kom peb ua lub neej raws Tswv Ntuj cov Lus. Paj Lug hais kom peb saib Yes Xus tus yam ntxwv, tus coj kev thaj yeeb tuaj rau peb.
Vim nws tsis yog kev tiaj tus, kev sib cav sib ceg, kev sib tawg thiab kev tsim txom xwb, tab sis nws yog lub neej txoj sia thiab kev sov siab. Nws yog txoj kev cawm puv npo, yog kev thaj yeeb thiab ywj siab. 
Yes Xus pub kev thaj yeeb rau peb zoo li cas ? Yes Xus muab nws tus kheej los them txim txhaum, Yes Xus sawv nyob nruab nrab hauv nws cov yeeb ncuab. Nws ris kev ntxub ntxaug thiab kev sib tawg, nws rhuav tshem cov phab ntsa ua kom neeg sib tawg sib faib. Kev tsim kev thaj yeeb, xav tau kev nyiam kev hlub los ntawm peb. Txoj kev nyiam kev hlub uas zam txim tau. Kev nyiam kev hlub uas tsis saib ib zeej tsoom tias yog yeeb ncuab thiab hwm lub teb chaws ib yam li yog yus lub. Thov kom peb muaj lub siab tshiab, lub qhov muag tshiab txawj ntsia pom thiab hlub sawv daws ib yam li ib pab kwv tij. 
Dab phem yog txhawv hauv neeg lub siab tuaj, cov tub tseev tsim thiab cov kws sau ntawv Is Tas Lias sau tias : “Yuav rhuav tshem kev kub ntxhov ntawm tsov rog, yuav tsum xub rhuav tshem tus ntsuj plig phem, kev caij tsuj thiab kev saib tus kheej loj dua uas ua kom muaj tsov rog, yuav tsum tsim kom muaj kev ncaj ncees”.
Bonita Park yog ib thaj tsam nyob hauv Hartswater, yog lub nroog ua liaj ua teb nyob As Fiv Kas Naj. Qhov kev sib tawg yog los ntawm kev sib cais cev nqaij daim tawv. Kev kawm ntaub kawm ntawv, ces ua rau cov tub ntxhais hluas uas tawv nqaij sib txawv thiab cov me nyuam tsuam txoov thiaj poob qis dua lwm cov neeg. Ua rau muaj kev tsis sib haum xeeb thiab nyob nyias ntsais ntawm cov haiv neeg. 
“Kev tuam choj”, muaj lub hom phiaj kom sib daws kho ntawm txhua haiv neeg uas nyob ib cheeb tsam tsis deb tsis ze ntawd. Kom txawj sib txuas kev thiab sib pauv kab lis kev cai. Tom qab tawm hauv tsev kawm ntawv los, kom cov tub ntxhais hluas txawj los sib sau thiab sib pauv lawv tej kab lis kev cai.
Zej zog hais tawm tias lawv yuav ua hauj lwm ua ke, Charles thiaj muab nws lub tsheb loj qub qub mus thauj ntoo los txua rooj txua tog. Tus thawj tswj lub tsev kawm ntawv thiaj pub cov txheej rau ntawv, pub ntawv sau thiab mem. Dutch Reformed Church thiaj npaj 50 lub rooj zaum. Tas sawv daws nyias tau ua nyias cov hauj lwm, kom zoo li tus choj uas tuam rau sawv daws tej kab lis kev cai thiab txhawb cov haiv neeg kom muaj zog tuaj.