Zaj nyeem hnub tim 13 lub 6 hlis 2023 (Daily reflection)

ZAJ NYEEM HNUB TIM 13 LUB 6 HLIS, HNUB NCO TXOG LEEJ NTSHIAB TUAM NYOB PAS DUAS

COV LUS NYOB HAUV MAS TAIS NTAWV MOO ZOO (MT 5: 13-16)

Kwv tij Hmoob, hnub no Huab Tais Yes Xus ntuas peb sawv daws kom ua xws li cov ntsev thiab qhov pom kev rau lwm tus. Ntsev mas yog ib yam daw ces neeg muab coj los las tej nqaij kom txhob lwj, ntsev yog ib yam peb muab xyaw zaub mov ces tej zaub qab tuaj. Yog lub ntiaj teb no tsis muaj ntsev mas ntshai neeg yuav tsis xis ncauj noj tsis taus tej txhiam xws.

Kwv tij, Hmoob saib ntsev yog yam muaj nqe tshaj plaws, Hmoob yeem muab txoj sia mus tiv kom tau ntsev los noj, ces Hmoob thiaj muaj lo lus tias ‘mus ev ntsev’ yog hais txog tus tuag vim nws mus yuav tsis los lawm.

Hais txog ‘qhov pom kev’, mas pab tau peb kom ntsia pom txhua yam tseeb, ua rau peb tsis dawm taw, tsis mus yuam kev.

Yog vim li no Huab Tais Yes Xus thiaj ntuas cov ntseeg txog nws kom lawv ua xws li ntsev thiab qhov pom kev.

Leej Ntshiab Tuam nyob Pas Duas yog tus piv txwv zoo qhia rau peb txog Huab Tais Yes Xus cov lus hauv hnub no. 

Leej Ntshiab Tuam yug hauv yim neeg nplua nuj tab sis nws nyiam coj lub neej pluag thiab hlub cov neeg txom nyem. Nws xav qhia Huab Tais Yes Xus kev nyiam rau sawv daws, ces nws thiaj xaiv lub neej ua Leej Choj. Leej Ntshiab Tuam tau pab kom ntau txhiab leej neeg tig los yuav lub siab tshiab, ua neeg coj ncaj, thiab siab dawb siab huv.

Kwv tij, tej zaus nej tsis yog Leej Choj xws li Leej Ntshiab Tuam, tab sis nej yeej muaj peev xwm ua tau ntsev las cov nyob ze nej thiab ua qhov pom kev rau cov nyob ib puag ncig. Qhov ntawd, yog nej ua neej nyiam Tswv Ntuj thiab sis nyiam sis hlub raws li Huab Tais Yes Xus tau qhia nej.

Nyob zoo sawv daws.