Zaj nyeem hnub tim 17 lub 6 hlis 2023 (Daily reflection)

ZAJ NYEEM HNUB TIM 17 LUB 6 HLIS, HNUB NCO TXOG MAB LIAB LUB SIAB HUV

COV LUS NYOB HAUV LUS KAS NTAWV MOO ZOO (LK 2: 41-51)

Cov kwv tij, hnub tom qab peb ua hmoov hwm Yes Xus lub siab ntshiab, mas peb yuav nco txog niam Mab Liab lub siab huv. Niam Mab Liab yog tus nto npe tshaj Tswv Ntuj tsoom Tshiab thiab cov Leej Ntshiab vim tias niam Mab Liab lub siab npuab rawv Huab Tais Yes Xus lub.

Kwv tij, lub Moo Zoo hais tias “Yes Xus niam khaws tej ntawd huv tsib si rau nruab siab.” Tej uas Mab Liab khaws rau nruab siab mas yog nws paub tias Yes Xus yog Tswv Ntuj Leej Tub, Tswv Ntuj xa Yes Xus tuaj leg Tswv Ntuj txoj hauj lwm cawm ntiaj teb neeg hauv qhov txhaum raws li Tswv Ntuj tau hais tseg cia. 

Mab Liab paub li no, ces nws lub siab kaj, nws rov zoo siab raws li cov lust us Yaj Saub His Xais tau hais ua ntej tias “Kuv zoo siab tag nrho nyob hauv HUAB TAIS. Kuv tus plig dhia hom khaj nyob hauv kuv tus Tswv Ntuj, vim nws muab kev cawm cov tsoos rau kuv hnav. Tswv Ntuj muab kev yeej lub tsho tshaj sab qhwv kuv. Vim daim av tawm paj, lub vaj nthaw kaus zoo li cas, mas HUAB TAIS yuav cia kev ncaj thiab kev qhuas tawm tuaj nyob ntawm txhua haiv neeg xub ntiag” (HX 61: 10-11).

Kwv tij, vim niam Mab Liab lub siab npuab nraim Huab Tais Yes Xus, nws lub siab thiaj kaj lug mus li.

Ntawm peb sawv daws, peb yuav muab siab npuab ze Huab Tais Yes Xus xws li niam Mab Liab mog.

Nyob zoo sawv daws.