Zaj nyeem hnub tim 19 lub 6 hlis 2023 (Daily reflection)

ZAJ NYEEM HNUB TIM 19 LUB 6 HLIS, HNUB OB LUB LIS PIAM 11 CAIJ NYOB NRUAB XYOO
COV LUS NYOB HAUV MAS TAIS NTAWV MOO ZOO (MT 5: 38-42)

Cov kwv tij, Huab Tais Yes Xus cov lush nub no peb tau hnov, lub ntsiab yog kom peb tsis txhob sib pauj kua zaub ntsuab, tiam sis kom peb sib zam txim, sib pab thiab txaus siab tsob hwb lwm tus.
Nyob hauv Paj Lug tsab ntawv sau rau cov ntseeg nyob Kos Lis Nthos tsab 2, Paj Lug ntuas lawv tias cov neeg nrog Leej Pleev ua hauj lwm yuav tsum ua siab ntev thiab ua siab dawb siab huv xws li Huab Tais Yes Xus tau ua piv txwv.
Kwv tij, Huab Tais Yes Xus ua nyiaj ris kev txom nyem, Huab Tais Yes Xus zam rau cov neeg hiam nws thiab ntxeev siab rau nws, Huab Tais Yes Xus pab cov neeg vam txog nws, Huab Tais Yes Xus tsob hwb cov neeg raug mob. Huab Tais Yes Xus ua siab ntev rau sawv daws tiag.
Kwv tij, Huab Tais Yes Xus tsis xav kom lub tswv yim phem tshwm tuaj nyob hauv peb, mas Huab Tais Yes Xus thiaj ntuas kom peb tsuas saib qhov zoo ua. Yog peb ua zoo rau lwm tus, ces lawv yuav ua zoo pauj rov rau peb. Huab Tais Yes Xus thiaj hais tias “Nej txhob nrog tus neeg phem sib cav, nej txhob ntaus tus tau ntaus nej, nej txhob ua plaub rau tus kom nej, nej pab tus tuaj thov nej.
Thaum peb ua zoo li no mas lub tswv yim phem thiaj yuav tsis xeeb tuaj nyob hauv peb lub tswv yim.
Nyob zoo sawv daws.