Zaj nyeem hnub tim 21 lub 6 hlis 2023 (Daily reflection)

ZAJ NYEEM HNUB TIM 21 LUB 6 HLIS, HNUB NCO TXOG LEEJ NTSHIAB LUS IS, KOOS NTXAS
COV LUS NYOB HAUV MAS TAIS NTAWV MOO ZOO (MT 6: 1-6, 16-18)

Kwv tij Hmoob, ib tug neeg pheej xeeb rau txoj kev ntseeg, nws yuav nco ntsoov ua 3 yam no: pub yam nws muaj rau cov tsis muaj, nws yuav nquag teev Ntuj, thiab nws yuav yoo mov yuam nws lub cev kev ntshaw. 
Thaum peb zoo siab pub yam peb muaj rau lwm tus, mas yog peb tau tsim kev sib raug zoo nrog lawv. Thaum peb yoo mov, mas yog peb tab tom xyaum tswj tus kheej kom txhob poob rau peb kev ntshaw.
Peb yuav ua 2 yam no tau mas yog peb tsum nquag teev Ntuj kom peb tus plig tau npuab Tswv Ntuj.
Kwv tij, Huab Tais Yes Xus hais tias peb txhob ua 3 yam no kom tau lus qhuas ntawm luag tej. Thaum peb ua peb yuav ua ntsiag ntsiag, tsis thas yuav pub sawv daws paub.
Cov kwv tij, zaj no kuj qhia ib nqe rau peb thiab tias thaum peb ua zoo txawm tsis muaj leej twg pom los peb yuav zoo siab ua ntxiv mus, vim tias txhua yam zoo peb ua ntawd mas Tswv Ntuj yeej pom, Tswv Ntuj mam yog tus paub rau peb.
Nyob zoo sawv daws.