Aus Thas Lias tus thawj pwm tsav Albanese, qhib qhov rooj tos txais cov neeg thoj nam Nyab La

Nyob hauv Great Game uas tab tom ua nyob hauv lub hiav txwv Pas Xis Fiv, Aus Thas Lias teb tab tom twv txog kev koom tes ntau dua nrog Nyab Laj. Kev mus tsham Hanoi lub lis piam tag los kom tau koom kev tsuj xeeb txwm 50 xyoo ntawm ob tog tus tiam lis xws li Aus Thas Lias thiab Nyab Laj, Aus Thas Lias tus thawj pwm tsav Albanese cog lus tias yuav cia Nyab Laj teb yog qib siab tshaj ntawm Aus Thas Lias teb. Tus thawj pwm tsav Aus Thas Lias thiab tus pwm tsav Nyab Laj fab kev tseev tsim tau sau npe cog lus hais txog yuav sib koom tes nyob hauv hiav txwv, tab txawm tias Suav teb thiab cov teb chaws sab hnub poob yuav muaj teeb meem kub ntxhov nyob hauv lub hiav txwv Suav kuj xij. Ob tog kev cog lus yog hais txog sib pab txuag kev thaj yeeb hauv lub hiav txwv, sib koom ua hauj lwm ua ke, sib pab tiv thaiv kev tua neeg thiab kev ua luam neeg hla teb chaws. Sib pab kom ruaj khov nyob hauv fab kev kawm txuj. 

Aus Thas Lias tus thawj pwm tsav tseem cog lus tias : Aus Thas Lias teb yuav pab 70 plhom US dos las rau tseem hwv Nyab Laj txhim kho kev ntshiab huv kom zoo dua tej. Thiab tus thawj pwm tsav tseem cog lus hais txog kev qhib qhov rooj tos txais cov neeg thoj nam Nyab Laj, kom lawv tau kev mus ua lub neej tshiab nyob Aus Thas Lias teb. “Peb paub zoo tias : nyob hauv txhua thaj tsam, xws li kev saib xyuas cov neeg laus, muaj lub zoo caij thiab muaj kev txhawb nqa ntau tuaj”.  

Nyab Laj teb kuj txo lub txim tuag rau 2 tug neeg Aus Thas Lias uas nkawd tau txais lub txim tuag. 

Ob tog kev sib cog lus thiab sib koom tes, kuj ntxhe mus txog tseem hwv Suav. Hanoi thiab Pej Ceeb kuj muaj kev sib hais txog ciam dej hiav Suav naj fab, vim yog txoj kab khiav nkoj lag luam ntawm ob lub teb chaws uas ib xyoos no tau tshaj 3 plhom US dos las.