Vaj Qhia Fas Ntshis Kus mus tsham Moos Nkos Lias teb

Vaj Qhia Fas Ntshis Kus yuav mus tsham Moos Nkos Lias teb rau hnub tim 31 lub 8 hli txog tim 4 lub 9 hlis xyoo no. Vaj Qhia yuav mus ntsib cov neeg ntseeg Kav Tos Liv 1,500 leej nyob hauv lub xeev Ulaanbaatar, raws li Tswv Qhia Liab Marengo uas nyob Ulaanbaatar hais. Kev mus tsham Ulaanbaatar zaum no yog “lub cim ntawm kev saib xyuas thiab nyob ze” uas muaj rau cov Kav Tos Liv tsawg tsawg thiab cov tub ntxhais hluas Moos Nkos Lias. 

“Kev mus tsham ntawm Leej Txiv Ntshiab, yuav coj kev zoo ntawm daim av no thiab qhov muaj nqis ntawm tsoom pej xeem mus nyob pem hauv ntej. Yog tus saib xyuas ntawm kev coj noj coj ua thiab ib txwm yog lub cim ntawm As Xias”.

Tswv Qhia Liab Marengo hais tias : qhov uas muaj tus sawv cev Leej Ntshiab Pob Zeb nyob Moos Nkos Lias teb, yog kev npau suav ntawm Txiv Plig Kim Seong-Hyeo. Tus tub tshaj Ntuj Lus nyob Moos Nkos Lias teb txij xyoo 2000 los. Yog hais raws li cov neeg ntseeg tsawg tsawg, mas lawv yog ib Koom Txoos nyob ntiaj teb uas tas cov neeg ntseeg tau ntsib Vaj Qhia txhua tus.

Tswv Qhia Marengo hais ntxiv tias : Vaj Qhia vam tias nws yuav tau ntsib cov tub tshaj Ntuj Lus thiab cov neeg ntseeg nyob hauv zej zog. Muaj cov tub tshaj Ntuj Lus 75 leeg ua cov sawv cev ntawm 10 thaj tsam thiab 27 haiv neeg. Muaj 29 tus Txiv Plig, 36 tus poj niam uas lawv coj kev teev hawm nruj nruj, muaj cov tsis yog neeg ntseeg 6 leej thiab 3 tug tub tseem hwv. 

Tab txawm txoj kev ntseeg muaj nyob Moos Nkos Lias teb txij xyoo 1000, tsis kav lawv nyuam qhuav ua hmoov tsuj xeeb xyoo 2002. Yog thawj 3 tiam ntawm lub Koom Txoos Kav Tos Liv txoj kev muaj txiaj ntsig zoo hauv lub teb chaws nyob rau txheej nyem no. Vim cov tsev teev Ntuj hauv zej zog feem ntau yog cov xib hwb ua tus saib xyuas. Cov hauj lwm feem ntau thiaj ua raws tus yam ntxwv txhawb nqa tib neeg.