Zaj nyeem hnub tim 14 lub 7 hli 2023 (Daily reflection)

ZAJ NYEEM HNUB TIM 14 LUB 7 HLI, HNUB NCO TXOG LEEJ NTSHIAB NKAS MIS LOS
COV LUS NYOB HAUV MAS TAIS NTAWV MOO ZOO (MT 10: 16-23)

Cov kwv tij Hmoob, yog nej tab tom lis Tswv Ntuj tes qav num, nej tab tom tshaj txog Tswv Ntuj kev hlub rau luag tej, mas nej txhob ntaus siab me, txhob ntxhov siab; nej yeej meem ua tiag ntxiv mus. Huab Tais Yes Xus paub tias lub luag hauj lwm nej ris ntawd tsis yooj yim kiag li, tiam sis Huab Tais Yes Xus twb ua tus piv txwv rau nej pom tias yog nej ua siab loj siab tawv txeem mus, mas qhov kawg nej yuav tau txais koob haum ntawm Tswv Ntuj. 
Huab Tais Yes Xus hais tias “Nej yuav ua neeg xyuam xim xws li nab”, txhais tias kom cov leg Tswv Ntuj txoj hauj lwm xyaum ua neeg txawj ceev faj, txawj xav tom ntej tom qab, txhob ua xws li tus neeg ruam.
Huab Tais Yes Xus hais tias “Nej yuav ua siab dawb xws li nquab”, txhais tias cov leg Tswv Ntuj txoj hauj lwm tsum ua neeg zoo, txhob ua siab fab, txhob xav dab tsi ntau thaum muaj lwm tus hais tsis zoo txog nws, nws txawj uv txawj coj lub siab kom tus.
Kwv tij, Huab Tais Yes Xus hais ntxiv tias cov ua Tswv Ntuj txoj hauj lwm, mas lawv muaj Leej Ntuj Plig nyob nrog lawv. Yog li mas nej sawv daws yuav ua los yog yuav hais dab tsi, nej yuav tau hu txog Leej Ntuj Plig pub lub tswv yim rau nej.
Cov kwv tij, nej ntsib teeb meem, Raug xwv txheej npaum cas ntawm lwm tus, los nej yuav tau ua tiag txhob tso txoj hauj lwm Tswv Ntuj muab rau nej pov tseg mog, vim Huab Tais Yes Xus hais tias “Tus twg ua siab ntev nyiaj txog qhov kawg, mas nws yuav txais kev cawm.” 
Nyob zoo sawv daws.