Tseem hwv Myanmar muab lub txim tuag rau ntau caum leej neeg

Txij hnub muaj kev txeeb teb chaws los, cov tseem hwv Myanmar tau muab lub txim tuag rau 156 tus neeg, nyob hauv cov neeg tau txais lub txim tuag ntawd muaj 4 leeg yog tub hluas.

Lub Koom Haum pab cov neeg raug txim nyob Thaib teb tshaj tias : cov tseem hwv Myanmar muab lub txim tuag rau cov neeg raug txim heev zuj zus, vim lawv xav hem cov pej xeem kom ntshai.   

Muaj 42 lo lus txaus ntseeg uas raug xa tuaj. Kuj muaj tug puav tub tseem hwv nyob hauv pab neeg ntawd hais rau Radio Free Asia (RFA) thiab lawv tsis kam tawm npe, vim lawv txhawj tias tsam lawv tus kheej yuav tsis tau kev nyob. Tab sis lawv hais tias : nyob hauv cov neeg raug txim uas tau txais lub txim tuag, qhov tiag muaj coob tshaj li xov xwm tshaj tawm. Cov tseem hwv txhob txwm muab lub txim tuag rau cov neeg raug txim, kom tsoom pej xeem ntshai. Txawm li cas kuj xij, cov neeg tawm tsam tiv cov tseem hwv kuj tseem yuav ua ntxiv mus. Tab txawm cov tseem hwv yuav hem li cas tsis kav lawv tsis muaj qhov chaw ntshai.

Hnub tim 30 lub 11 hlis tsaib no, muaj 7 tus tub kawm nyob hauv lub tsev kawm txheej siab Dagon raug txiav lub txim tuag los ntawm cov tub rog lub tsev txiav txim nyob hauv nkuaj. Thiab nyob hauv cov neeg raug lub txim tuag tseem muaj coob leej uas lawv yog tub hluas xwb. Lub 7 hli tsaib no, cov tseem hwv tau muab lub txim tuag rau 4 tus neeg nto npe nyob hauv cov neeg tawm tsam, yog thawj zaug uas muab lub txim tuag rau cov neeg taij thov kev ncaj ncees nyob Myanmar teb 30 tawm xyoo dhau los.

Tus neeg hais ntawd, tseem hais ntxiv tias : txij thaum nws tau ua tus kav kev txiav txim, mas tseem hwv Myanmar tau hloov txoj cai rau txim hnyav kawg, yam li kaw nkuaj ntev xyoo thiab yog leej twg tiv tseem hwv txoj cai, mas nws yuav tsum raug lub txim tuag xwb.