Laudato Si' ntawm cov neeg pluag uas nyob Bihar

Hnub ntawm txhua yam nyob ib puag ncig nyob ntiaj teb, cov me nyuam ntxhais thiab cov poj niam txoj hauj lwm los ntawm Aashray Abhiyam, rau cov neeg tsis muaj neeg saib xyuas nyob hauv lub xeev Is Ntias, lawv hnav khaub ncaws tsos ntsuab hla lub nroog Patna mus rau lwm lub nroog. Txhib kom nco txog kev saib xyuas yus lub tsev. Leej Phauj Dorothy hais tias : “Cov me nyuam ntxhais thiab cov poj niam uas nyob hauv cov thaj tsam pluag txom nyem, lawv sib sau nyob hauv cov kev tsheb hauv lub nroog kom tau txhib sawv daws sib pab txuag tej vaj tse rau txheej neeg tom ntej.” Nod yog ua raws li Vaj Qhia tsab ntawv Laudato Si ntawm Aashray Abhiyam uas yog txoj hauj lwm ua pab cov neeg tsis muaj vaj tse thiab cov neeg txom nyem, lawv tau pab 6,000 tawm yim neeg txom nyem nyob hauv lub nroog Patna thiab lwm lub nroog nyob hauv lub xeev Bihar. Lawv tau txais kev txhawb nqa hnub tim 5 lub 6 hli no nrog hnub txhua yam nyob ib puag ncig ntawm lub ntiaj teb. 

Cov me nyuam ntxhais thiab cov poj niam lawv mus ib puag ncig thiab qw tej suab kom tib neeg paub, lawv nqa tej tus chij thiab tuav tej rev nplooj ntawm tes. Lawv qw kom sawv daws sib pab cog xyoob ntoo thiab sib pab txuag cov dej ntws, kom txawj siv dej thiab txuag dej, vim yog lub caij uas cov dej nyob hauv lub xeev nqhuab zuj zus lawm. 

Qhov no yog ib qho txaus sawv daws siab, Leej Phauj Dorothy tus Leej Phauj uas cog lus ntawm Niam Mab Liab hais tias : “Qhov uas nws pom cov tub ntxhais hluas mus taug kev thiab muab siab rau hais lus qhia tsoom pej xeem, ua rau cov neeg dhau kev nres thiab nug txog qhov lawv ua ntawd tias : yog vim li cas thiaj ua nyob hauv kev tsheb. Qhov huab cua pauv ntxeev yog lub suab uas peb tau hnov los ntau xyoo, tab sis tsis tau xav dua tias : nws yuav yog qhov peb tau ntsib tau pom kiag ntawm qhov muag.  Thaum teeb meem thiab txhua yam ua kom peb ras dheev, tsis hais tam sim no los yog thaum twg kuj xij. Txoj kev txhib uas peb paub no thiab Laudato Si, yog qhov chaw txhib kom peb ua ntxiv mus.